Grýzııa polıııasy Tbılısıdegi parlament ǵımaraty aldynda jınalǵan demonstranttardy taratyp jiberdi. Olar Eýropa Odaǵyna múshe bolýǵa qatysty kelissózdi 2028 jylǵa deıin shegerý týraly premer-mınıstr Iraklıı Kobahıdzeniń sheshimine qarsy. Bul týraly Anadolu agenttigi jarııalady, dep habarlaıdy “Adyrna” ulttyq portaly.
Aqparatqa sáıkes, keıbir narazylyq bildirýshiler parlament ǵımaratynyń esigin qorǵaý úshin ornatylǵan metall qorshaýdy buzýǵa tyrysyp, sol jaqqa ártúrli zattar laqtyrǵan.
Polıııa men ǵımarattyń bir bóligin basyp almaq bolǵan demonstranttar arasynda qaqtyǵystar oryn aldy.
Grýzııanyń Ishki ister mınıstrligine qarasty kúshtik qurylymdar narazylyqty taratý úshin sý atqyshtardy qoldanǵan.
Narazylyq bildirýshiler tártip saqshylaryna ártúrli zattar laqtyrǵannan keıin polıııa kózden jas aǵyzatyn gaz qoldandy.
Polıııanyń aralasýynan keıin akııaǵa qatysýshylar sheginip, parlament ǵımaratyna jaqyn ornalasqan Shota Rýstavelı dańǵylyn barrıkadalarmen jaýyp tastaǵan.
Jergilikti BAQ-tyń habarlaýynsha, tártipsizdikter kezinde birneshe adam ustalǵan. Shota Rýstavelı kóshesinde polıııa men demonstranttar arasyndaǵy qaqtyǵystar áli de jalǵasýda.
Aıta ketsek, Grýzııa premer-mınıstri Iraklıı Kobahıdze 28 qarashada el 2028 jylǵa deıin Eýropa Odaǵyna kirý týraly kelissózderdi bastaý máselesin kún tártibine qoımaıtynyn málimdedi.
Onyń aıtýynsha, Grýzııa 2030 jylǵa qaraı Eýropa Odaǵyna múshe bolýdy maqsat etip otyr, biraq bul jol qosymsha kúsh pen ýaqytty qajet etedi.
Sondaı-aq, Kobahıdze keıbir eýropalyq saıasatkerlerdi Grýzııanyń ishki isterine aralasty dep aıyptap, sońǵy úsh jylda Eýropa parlamenti qabyldaǵan sheshimderdi grýzın qoǵamy men eýropalyq ınstıtýttardyń qabyldamaǵanyn atap ótti.
Kobahıdze Grýzııa 2028 jylǵa deıin Eýropa Odaǵynan kez kelgen qarjylyq granttardy qabyldaýdan bas tartatynyn málimdedi. Ol eldiń EO-ǵa «jalbarynyp» emes, myqty ekonomıkasy men turaqty demokratııasymen abyroımen kiretinin aıtty.
Eýropa Parlamenti 28 qarashada jarııalanǵan málimdemesinde 26 qazanda ótken parlament saılaýynyń nátıjelerine alańdaýshylyq bildirip, saılaý nátıjelerin halyqaralyq baqylaý aıasynda qaıta qaraýǵa shaqyrdy.
Eýropa depýtattary demokratııalyq standarttardy álsiretýge jaýapty grýzın sheneýnikterine qarsy sankııalar engizýge jáne Grýzııa úkimetimen resmı baılanystardy shekteýge shaqyrdy.
Eske salsaq, Grýzııa Eýropa Odaǵyna múshelikke ótinishin 2022 jylǵy naýryzda bergen jáne sol jyldyń jeltoqsanynda kandıdattyq mártebege ıe boldy.
Alaıda, shilde aıynda sheteldik yqpaldyń «ashyqtyǵy» týraly daýly zań qabyldanǵannan keıin bul proess toqtatyldy.
26 qazandaǵy saılaýda 53,93 % daýys jınaǵan «Grýzııa armany» bıleýshi partııasy jeńiske jetti.
Prezıdent Salome Zýrabıshvılı men oppozıııalyq kúshter úkimetti saılaý nátıjelerin burmalady dep aıyptap, onyń nátıjelerin moıyndaýdan bas tartty. 19 qarashada prezıdent Konstıtýııalyq sotqa saılaý nátıjelerin joıýdy surap júgindi.
Óz kezeginde premer-mınıstr Kobahıdze saılaýdyń demokratııalyq ótkenin aıtyp, oppozıııany elde turaqsyzdyq týǵyzýǵa tyrysýda dep aıyptady.
