Qytaıdyń Takla-Makan shóli, «ólim teńizi» degen ataýmen tanymal, endi tolyqtaı qum kóshkinin toqtatatyn jasyl jolaqpen qorshaldy. Bul týraly qytaılyq Sınhýa aqparat agenttigi jarııalady, dep habarlaıdy “Adyrna” ulttyq portaly.
Qytaıdyń soltústik-batysyndaǵy Sınzıan-Uıǵyr avtonomııalyq aýdanynyń bıliginiń málimetinshe, shóldiń uzyndyǵy 3 046 shaqyrymdy quraıdy.
Beısenbi tańerteń Iýıtıan aýdanynyń ońtústik bóligindegi qumdy aýmaqqa evfrat terekteri, zaısan sekseýilderi, japyraqty taldar sııaqty birneshe ósimdik túrleri otyrǵyzyldy. Bul Sınzıan-Uıǵyr avtonomııalyq aýdanynyń orman jáne dala sharýashylyǵy basqarmasynyń málimetinshe, «jasyl beldeýdiń» sońǵy bóligin salýdy aıaqtaýdy bildiredi.
Takla-Makan shóliniń aýmaǵy 337 600 sharshy shaqyrymdy quraıdy, al aınalasynyń uzyndyǵy 3 046 shaqyrym. Bul ony Qytaıdaǵy eń úlken shól jáne álemdegi ekinshi iri jyljymaly shól etedi.
Eske salsaq, Qazaqstan men Qytaı transshekaralyq ózenderdiń sýyn eki el arasynda bólisý týraly úkimetaralyq kelisim jobasyn ázirlegeli jatqany týraly habarlanǵan bolatyn. Bul týraly 2024 jyldyń 19 tamyzynda QR Sý resýrstary jáne ırrıgaııa mınıstrligi málimdegen.
Aqparatqa sáıkes, qujatty ázirleýmen eki eldiń mamandary kiretin birlesken jumys toby aınalysýda. Kelisimdi ázirleýdiń negizgi maqsaty – Balqash kólin ońtaıly deńgeıde saqtaýǵa kepildik beretin sý kóleminiń kelýin qamtamasyz etý.
Aıta ketsek, eki el arasyndaǵy transshekaralyq ózen - Ile. Al Balqash kóline quıatyn sýdyń 80%-y Ile ózeninen keledi. Qytaı shólin sýaryp álek, al ekologtar Balqash kóli tartylyp barady, dep dabyl qaǵýda.
