Ótkende Shyńǵys Muqan aǵa, “Coffee Book”- ti jaýyp jatyrmyn. Ózin-ózi aqtamaı, saqtap qalýǵa múmkindik bolmady degen kezde qatty ókingen edim. Ádemi joba, ultty ıntellektýaldy damytýǵa jeteleıtin joba ómir súrgeni durys edi dep ókindim.
Búgin ýnıversıtet qabyrǵasynan ashylǵanyn kórip, qýanyp qaldym.
Iá, bıznestiń sharty da, oıyny da ádiletsiz oıyn. Oǵan emoııa da, patrıottyq ta, ultshyldyq ta, adamgershilik te qas. Óz erejesimen oınamasań, óz erejesine baǵynbasań qurdymǵa jibere salady. Onyń arty tyǵyryq.
Bıznes jetekshileri bıznes jasaýda birinshi maqsatyń ekonomıkańdy retteý bolmasa, ekonomıkańdy durys basqarmasań, tıimdiligin arttyrmasań uzaqqa barmaısyń deıdi.
Iá, ulttyq mektepter jelisin qalyptastyram dep, QAZBILIM-di bıznestik joba emes, áleýmettik joba dep barymdy salyp, 10 jylǵa jýyq jylyna úzdiksiz 365 kún 24/7 barymdy saldym. Ásireleý sekildi kóriner. Biraq, sońǵy úsh jyl tipti ózimdi ózim qatty uryp jiberdim.
Biraq, sońǵy 1,5 jyl óte aýyr kúıde júrmin. Ómirimde óte úlken qurbandyqtar da berdim. Densaýlyqta oılanta bastady. Keıde qolyńdy bir siltegiń keledi. Joq, maqsatqa jetpeı tynbaý kerek dep qaıtadan arpalysasyń. Jigeriń muqalady.
Nege?
Sebebi, arenda úshin, komýnaldyq tólemder men memleketke tóleıtin salyq úshin jumys isteısiń. Qalanyń mektepke saı ǵımaratynyń arendasy jyl 12 aıda búkil kirisińdi qaǵady. Tentiretip jiberedi.
Oqý aqysyn sál kóterseń ata-ananyń qoly jetpeıdi. Oqyǵysy kelgen bilimdi bala tóleı almaıdy.
Al, kótermeseń arenda esigińdi, memlekettik salyqtar shotyńdy jabady. Sosyn otyrasyń shaqshadaı basyń sharadaı bop. Tym aýyr.
Birde bıznesmen Marǵulan Seısembaı patrıottyq - bıznestiń jaýy, bıznes patrıotızmniń dosy dep edi. Yp-ras. Osy kúni dál sony ózim qatty sezinip júrmin.
Ótkende sol Shyńǵys aǵa, COFFEE BOOK-ti japtym degende de osy oı keldi. Ózimdegi qıyndyqtar týraly oılap, Shákeńdi túsindim.
Ózim de bir kún osy kúıge túspesem eken dep odan saıyn qoryqtym.
QAZBILIM - Ulttyq mektepter jelisi ulttyń bolashaǵy, eldiń bolashaǵy úshin jasalyp jatqan jankeshti jobam. Bundaı dúnıege demeýshi de, ınvestor da tabý tym qıyn. Sebebi, bıznes kózimen qaraǵan jurttyń shartyna kóne almaısyń.
Nıet durys qoı dep, arpalysyp kelemiz. Qudaı bir retin tabar dep, alysamyz. Sol sátte bireýler túsinbeı jaǵańa, bireýler kóre almaı balaǵyńa jarmasqanda: Oo, atańa nálet dep aıǵaı salǵyń keledi. Aıǵaı salǵyń keledi.
Aıatjan Ahmetjanuly
