Sý únemdeý tehnologııalaryn engizýdiń nátıjesinde Aral teńizine 200 mln tekshe metr sý jiberildi. Bul týraly búgin, 21 qazanda Sý resýrstary jáne ırrıgaııa mınıstrligi aıtty, dep habarlaıdy «Adyrna» tilshisi.
«Qyzylorda oblysynyń sharýalary sý únemdeý tehnologııalaryn engizýdiń nátıjesinde 200 mln tekshe metrge jýyq sý únemdedi. Bul sý Aral teńizine jiberildi. Aıta keteıik, bıyl óńirdiń dıqandary 55 myń gektar kúrish alqabynda sý únemdeý tehnologııalaryn qoldandy. Al Qyzylorda oblysyndaǵy kúrish alqaptarynyń jalpy aýdany —84 myń gektar»,—dedi mınıstrliktiń baspasóz qyzmeti.
Aıta keteıik, 2024 jylǵy sýarý maýsymynda teńizge shamamen 1 mlrd tekshe metr sý jiberildi, bul ótken jylmen salystyrǵanda 3 ese kóp.
Jyl basynan beri Soltústik Aralǵa shamamen 2 mlrd tekshe metr sý jiberildi. Búgingi tańda teńizdegi sýdyń jalpy kólemi 22 mıllıard tekshe metrge jetti.
