Qytaıdyń jeke ǵarysh kompanııasy jasap jatqan balamaly otyn tasyǵyshtyń sońǵy synaqtary sátsiz aıaqtaldy. Deep Blue Aerospace kompanııasy jasaǵan «Nebýla-1» zymyrany sátti ushyp shyqqannan keıin tik qoný áreketi kezinde jarylǵan, dep habarlaıdy “Adyrna” ulttyq portaly.
Kompanııa málimdemesine sáıkes, zymyran josparlanǵan 11 synaqtyń 10 túrinen sátti ótken. «Nebýla-1»-diń úsh qozǵaltqyshy qalypty túrde atylyp, raketany berilgen bıiktikke kóterdi. Túsý proesi de jaqsy bastaldy - josparlanǵandaı eki qozǵaltqysh óshirildi. Biraq sońǵy kezeńde qoný mehanızminde problemalar týyndady, bul zymyrannyń qatty qonýyna jáne joıylýyna ákeldi.
«Nebýla-1» - dıametri 3,35 metr, kerosın men suıyq ottegi qospasynan qýat alatyn eki satyly zymyran. Ol birinshi kezeńde toǵyz jáne ekinshi kezeńde bir aýyspaly qozǵaltqyshtan jumys isteıdi. Barlyq qozǵaltqyshtar 3D basyp shyǵarylǵan. Esepteýler boıynsha, zymyran Jerdiń tómen orbıtasyna 2 tonnaǵa deıin paıdaly júkti shyǵara alady.
Sarapshylar kerosın, metan jáne suıyq ottegi sııaqty balama otyndy paıdalaný ushyrý shyǵyndaryn aıtarlyqtaı azaıtyp, olardy qorshaǵan ortaǵa zııansyz ete alatynyn atap ótti. Sátsizdikke qaramastan, Deep Blue Aerospace joba boıynsha jumysyn jalǵastyrady. Injenerler toby apattyń sebepterin anyqtaý jáne zymyran konstrýkııasyna qajetti túzetýler engizý úshin sońǵy synaqtyń derekterin taldaýǵa kiristi.
