Talǵar qalasyndaǵy "Aqbulaq" olımpıadalyq ortalyǵynda salynatyn baza Ortalyq Azııadaǵy alǵashqy akademııa bolmaq. Bul týraly Ispanııanyń EFE aqparat agenttigi málimdedi, dep habarlaıdy “Adyrna” ulttyq portaly.
Memleket basshysy óz Joldaýynda buqaralyq sportty damytý, halyqtyń densaýlyǵyn jaqsartý men balalar-jasóspirimder fýtbolynyń mańyzdylyǵyn erekshe atap ótken edi.
Osyǵan oraı 2023 jyly Doscar Group kompanııasy Qazaqstannyń Ispanııadaǵy Elshiligimen birlesip, ıspanııalyq "Atletıko Madrıd" fýtbol klýbymen kelissóz bastaǵan bolatyn. Bir jyldan astam ýaqytqa sozylǵan kelissóz 10 jyldyq kelisimshartqa qol qoıýmen aıaqtaldy.
Osylaısha 2024 jyly Qazaqstanda "Atletıko Madrıd" balalar-jasóspirimder akademııasyn qurý týraly tarıhı kelisimge qol jetkizildi. Bul TMD men Ortalyq Azııadaǵy ıspanııalyq klýbtyń alǵashqy resmı akademııasy bolmaq.
"Atletıko Madrıd" fýtbol klýbynyń prezıdenti Enrıke Sereso 2024 jyldyń maýsym aıynda Qazaqstanǵa kelip, jobany talqylaý úshin Memleket basshysy Qasym-Jomart Toqaevpen de kezdesken edi. Sonyń nátıjesinde kelisimshartqa qol qoıylyp, akademııa "Aqbulaq" olımpıadalyq ortalyǵynyń aýmaǵynda ornalasatyn boldy. Akademııa bolashaq fýtbol juldyzdaryn daıyndaýdyń erekshe ortalyǵy bolýǵa ýáde beredi.
"Atletıko Madrıd Qazaqstan" Akademııasy óz aldyna aıqyn mindet qoıyp otyr. Naqty aıtqanda - álemdik fýtbol qaýymdastyǵy moıyndaǵan ádistemeler negizinde joǵary sapaly fýtbol bilimin usyný. Ispanııadan kelgen kásibı jattyqtyrýshylar ár oqýshymen jeke jumys istep, olardyń tehnıkalyq jáne taktıkalyq daǵdylaryn damytady.
Akademııanyń negizgi jattyqtyrýshylar quramy Ispanııadan kelgen sertıfıkattary bar mamandar bolmaq. Qazaqstan men Ortalyq Azııanyń barlyq óńirlerinen balalardy iriktep, keıin Eýropanyń fýtbol alańdarynda ózin kórsetýge múmkindik alatyn neǵurlym talantty balalardy ıspanııalyq jattyqtyrýshylar men mamandardyń ózderi tikeleı júrgizedi.
Qazaqstannyń barlyq óńirinen kelgen balalar osy akademııada oqyp, jattyǵa alady. Bilim alýshylardyń bir bóligi tegin oqýǵa grant ta alady. Al úzdik tárbıelenýshiler Ispanııadaǵy "Atletıko Madrıd" klýbynyń bazasynda oqýy men jattyǵýyn jalǵastyrýǵa biregeı múmkindik alady.
Akademııa zamanaýı jattyǵý jáne oqý bazalarymen jabdyqtalady. Iaǵnı tabıǵı jáne jasandy jabyny bar alańdar, zamanaýı jattyǵý zaldary, mýltımedııalyq oqý synyptary, ońaltý ortalyqtary, keń kıim aýystyratyn bólmeler, demalys aımaqtary, qonaq úı kesheni jáne jas fýtbolshylarǵa arnalǵan jataqhana bolady. Akademııa bazasynda jas sportshylardyń halyqaralyq jarystarǵa beıimdelýin jeńildetý úshin aǵylshyn jáne ıspan tilderi kýrstary uıymdastyrylady. Munyń bári bolashaq fýtbol juldyzdaryn tárbıeleýge ońtaıly jaǵdaı jasaýdyń joly.
“Bizdiń akademııanyń Qazaqstanda ashylýy jaı oqıǵa emes, bul fýtbol álemindegi naǵyz revolıýııa. Biz qazaqstandyq balalardyń zor áleýetke ıe ekendigine senimdimiz jáne bizdiń akademııa uly fýtbolshylar dúnıege keletin orynǵa aınalady. Biz munda eldegi fýtbol deńgeıin jańa bıikterge kóterý úshin ádisnamamyzdy, tájirıbemizdi jáne jeńiske degen umtylysymyzdy ákelemiz”, - deıdi "Atletıko Madrıd" klýbynyń akademııany damytý jáne halyqaralyq yntymaqtastyq jónindegi dırektory Emılıo Gýtıerrez Boloýza.
Osy atalǵan kelisimniń barlyǵy Doscar GROUP kompanııasynyń, Qazaqstannyń Ispanııadaǵy Elshiliginiń, Týrızm jáne sport mınıstrliginiń, Qazaqstan fýtbol federaııasynyń, Ispanııanyń Qazaqstandaǵy Elshiliginiń qoldaýynyń, sondaı-aq "Sport Asset Management" QB men "Atletıko Madrıd" fýtbol klýbynyń birlesken kúsh-jigeriniń arqasynda júzege asty.
Sonymen "Atletıko Madrıd Qazaqstan" Akademııasynyń ashylýy 2025 jylǵa josparlanyp otyr. Ol elimizdiń jas talanttaryna zor múmkindik bere otyryp, Qazaqstan men Ortalyq Azııada fýtboldy damytý úshin qýatty serpin bolmaq.
