Para dzıýdodan 48 kg salmaq dárejesinde (J2 sanaty) beldesken Aqmaral Naýatbek Parıj Paralımpıadasynyń chempıony atandy, dep habarlaıdy “Adyrna” ulttyq portaly.
Fınalda ol Franııa ókili Sandrına Martıneden basym túsip, altyn júldege qol jetkizdi.
«Aqmaraldy Paralımpııa oıyndarynyń chempıony atanýymen shyn júrekten quttyqtaımyn! Otandasymyz fınalǵa deıin barlyq qarsylasyn aıqyn basymdyqpen jeńip, fınalda jarys qojaıynyn san soqtyrdy. Para dzıýdodan Qazaqstan tarıhynda áıelder arasynda tuńǵysh álem chempıony ataǵyn jeńip alǵan Aqmaral endi mine, el tarıhynda dál osy sport túrinen Paralımpıadada top jarǵan alǵashqy sportshy atanyp otyr. Ol byltyrǵy para Azııa oıyndarynda da qarsylas shaq keltirmeı, altynnan alqa taqqan edi. Otandasymyzdyń bul jeńisi elimizde para sportpen aınalysatyn jandarǵa úlgi-ónege boldy dep oılaımyn. El mereıin ósirgen jeńisteri úshin alǵys aıtamyn. Aqmaralǵa zor densaýlyq, baqyt jáne sportta jańa jetistikter tileımin!», - dedi mınıstr.
Aıta keteıik, Aqmaral Parıj tatamıiniń jartylaı fınalynda túrkııalyq Djahıde Ekeni, shırek fınalda úndistandyq Kokılany ıpponmen jeńgen edi.
