Atom energetıkasy salasyndaǵy jańa jobalar Qazaqstannyń ekologııalyq jáne ekonomıkalyq turaqtylyǵyn nyǵaıtý úshin mańyzdy qadam bolyp tabylady. Osyǵan baılanysty Almatyda Qoǵamdyq keńes pen Almaty Azamattyq alıans birlestigi uıymdastyrǵan jarııa talqylaý ótti. Qoǵamdyq tyńdaýlar barysynda atom elektr stanııalarynyń ekologııalyq taza energııa kózi retindegi artyqshylyqtary atap ótildi.
Sarapshylardyń pikirinshe, atom elektr stanııalary jahandyq jylyný men klımattyń ózgerýiniń negizgi sebepteri bolyp tabylatyn kómirqyshqyl gazyn, metandy jáne basqa parnıktik gazdardy shyǵarmaıdy. "Bul olardyń atmosferaǵa zııanyn azaıtý jáne dekarbonızaııaǵa jetý úshin kúreste mańyzdy qural", — dep atap ótti Gúlmıra Mýrsalova.
Qazaqstan Respýblıkasy Energetıka mınıstrligi Atom energetıkasy jáne ónerkásip departamenti dırektorynyń orynbasary Gúlmıra Mýrsalova ártúrli energııa kózderiniń ekologııaǵa áseri týraly statıstıkalyq derekterdi usyndy. Onyń aıtýynsha, Qazaqstanda kómirqyshqyl gazy shyǵaryndylarynyń 80% - y energetıka sektoryna tıesili. "Jasyl energııa stanııalaryn qurý arqyly biz kómirqyshqyl gazynyń shyǵaryndylaryn 70 mıllıon tonnaǵa deıin azaıta alamyz", - dedi ol. Jasyl energııa kózderine kún, jel, sý elektr stanııalary, sondaı-aq atom elektr stanııalary kiredi. Sarapshy atom elektr stanııasynyń qurylysy aldaǵy referendýmnyń oń nátıjesi bolǵan jaǵdaıda ǵana júzege asyrylatynyn eske saldy.
Esterińizge sala keteıik, Qazaqstanda AES salý boıynsha jobalardy iske asyrý josparlanýda. Osyǵan baılanysty jaqyn arada referendým ótedi. Almatydaǵy jarııa tyńdaýlar Qazaqstanda esep boıynsha on toǵyzynshy.
