Jyr bolǵan Parıj Olımpıadasy aıaqtaldy, alda jabylý rásimi kútip tur.
Olımpıada biterde qyzyq jaǵdaı oryn aldy. Jeńil atletıkanyń bıiktikte sekirý saıysy naǵyz dramaǵa aınaldy. Tórt jyl buryn bul sporttyń túrinde ıtalııalyq Djanmarko Tamberı men qatarlyq Mýtazz Barshım myqtyny anyqtaı almaı, ekeýi de altyn alǵan edi. Ekeýi Parıjge qaıtadan keldi.
Jarystyń bastalýyna 3 kún qalǵanda Tamberıdiń búıregi syr berip, aýrýhanaǵa túsip qaldy. Dárigerler oǵan tyıym salsa da, báribir ol jaqtan qashyp shyǵyp, irikteýge qatysyp, fınalǵa joldama aldy. Fınalǵa bir kún qalǵanda búıregi taǵy asqynyp, taǵy da aýrýhanaǵa tústi, qaıttan qashyp shyǵyp, qansha sekirse de, oınap turyp baǵyndyratyn mejeni ala almaı, sol jerde qulap, jasyna erik berdi.
Basty favorıt jarystan shyqqan kezde, sol qatarlyq Mýtazz altyn alady dep bári kútti. Biraq ol birneshe múmkindikterin sátsiz oryndap, amerıkalyq Shelbı Makıýen jáne jańa zelandııalyq Hemısh Kerrge jol berip qoıdy.
Sodan myna ekeýi kezek-kezek sekirse de, myqtyny anyqtaı almady. Ekeýiniń nátıjeleri tepe-teń. Sonda uıymdastyrýshylar Tokıodaǵydaı ekeýine de altyn bermekshi bolǵanda, Hemısh oǵan keliskenmen, jap-jas Shelbı boı bermedi. Sodan sýperfınal bastaldy. Ary sekiredi, beri sekiredi, taıaqsha qulaı beredi. Bir kezde Kerrdiń baǵy janyp, 2,38 metr bıiktikti baǵyndyryp, stadıondy aınalyp júgirip ketedi. Shelbı bolsa AQSh-tyń týyn alyp, kúmiske de qanaǵat dep otyryp qalady.
Qyzyqtyń kókesi sol kezde bastaldy. Ol kezde AQSh pen Qytaı jalpy esepte birinshi oryn úshin talasyp jatty. Jalpy medal sany boıynsha AQSh alda turǵanmen, Qytaıdyń bir altyny artyq. Budan keıingi jarystarda altyn ala almaıtyn shyǵarmyz dep, AQSh jankúıerleri Shelbıdi qarǵap, tabalap, boqtady. Óı, aqymaq, berip turǵan altynnan kim bas tartady, seniń kesirinen biz Qytaıdy qýyp jete almaıtyn boldyq. Shelbıge aıtpaǵan sóz qalmady. Sumdyq heıt. Ókinip júrgen atlettiń qaıta joly boldy, AQSh taǵy úsh altyn alyp, aqyry Qytaıdy jalpy esepte altyn sany boıynsha qýyp jetti (40-40). Ol bolmaǵanda, Shelbıge kún kórsetpeıtin edi. Biraq, AQSh Qytaıdan oza almady, altyndary teń, Shelbıdiń ambıııasy bolmasa, AQSh taza birinshi oryn alatyn edi))
Al, Djanmarko Tamberı osy Olımpıadanyń bas qaharmandardyń birine aınaldy.
Jankúıer degen qatygez halyq qoı, úmitin aqtamasań, aıamaıdy, taptap tastaıdy. Úsh kúnnen keıin túk bolmaǵandaı, basqalardy heıtıt etip júre beredi))
Biz bolsaq otyrmyz, jalǵyz altynymyzdy qushaqtap, ony alyp bergen jigitti sóz qylýdan sharshamaı. Ol da sóılep qalǵan palýan eken, bas heıtke jaýap bere beredi, toqtamaı)
Almas Junisbay
