Parıj Olımpıadasynda dzıýdodan altyn medal alǵan Eldos Smetovtiń anasy synǵa ushyrady, dep habarlaıdy "Adyrna" ulttyq portaly.
Jelide qazaqstandyqtar Eldos Smetov elge kelgennen beri onyń janynan áıeli emes, anasynyń qoltyqtap júrgenin synǵa alyp, túrli pikir jaýdyrýda.
«Kelinine oryn bermeı me, ózi qoltyqtap júr balasyn». «Anasy ákesimen artta turyp, ulynyń qasyna áıelin jiberýi kerek edi». «Jaǵalasyp, ulynyń artynan qalmaıdy eken». «Osy kisiniń týǵany belgili ǵoı, biraq jurttyń aldynda osylaı jaǵalasyp júrgeni uıat». «Osyndaı enege shydap júrgen kelinge halyqtyń atynan altyn medal taǵaıyq». «Tipti, Dımashtyń anasy janynda júrmeıdi», - dep sókken jeli qoldanýshylary.
Qosa keteıik, osyǵan deıin chempıonnyń anasynyń áreketin koých Roza Áshirbaeva da sókken edi.
«Nege qazaq jigitteri jubymen júrmeıdi? Balasyn kóterip alady, jan-jaǵynda ata-anasy júredi. Áıeli balalaryn týyp, ony kútip-baǵyp, janynda motıvator bolyp otyrǵan joq pa? Ata-analar bilińder, bala — qonaq. Qoryqpa balam, mamań keledi qasyńa», — deıdi Roza Áshirbaeva.
Eske sala keteıik, buǵan deıin Eldos Smetovtiń alǵashqy bapkerine sý jańa kólik syılaǵanyn jazǵan edik.
