Narıman Qurbanov Parıj Olımpıadasynda sporttyq gımnastıkanyń at snarıadyndaǵy jattyǵýda kúmis júldege qol jetkizdi, dep habarlaıdy “Adyrna” ulttyq portaly.
Otandasymyz aqtyq synda 15.443 upaı aldy. Osylaısha, Narıman elimizge sporttyq gımnastıkadan Olımpıadanyń alǵashqy kúmis medalin syılady.
«Sporttyq gımnastıkadan ulttyq qurama kóshbasshysyn Qazaqstan qorjynyna kúmis júlde salǵanymen shyn júrekten quttyqtaımyn! Laıyqty túrde jeńiske jetti. Qazaqstan quramasy úshin óte qýanyshtymyn jáne osy júldege súbeli úles qosqan barlyq mamanǵa, jattyqtyrýshylarǵa alǵys aıtamyn. Osy oraıda Narımannyń joǵary kásibıligin erekshe atap ótkim keledi. Sportshymyzǵa jankúıerler úlken senim artty, odan medal kútti. Al Narıman Qurbanov jankúıerlerdiń úmitin aqtap, Qazaqstan qorjynyna kúmis júldeni saldy. Bul medal – osy kúnge deıin tógilgen ter men eseli eńbektiń óteýi dep bilemin. Qazaqstandyq sportshylar álemdik arenada kásibı sheberligin kórsetip jatyr dep maqtanyshpen aıta alamyz. Bul – Olımpıadadaǵy sońǵy júldemiz emes ekenine, áli de Kók týymyz kókte jelbireıtinine senimdimin. Barlyǵyna alǵys aıta otyryp, Narımandy kúmis júldesimen taǵy bir márte quttyqtaımyn!», - dedi Týrızm jáne sport mınıstri.
