Kólik mınıstri Marat Qarabaev ushaqqa mýzykalyq aspappen eskertýsiz keletinderge renishin bildirdi, dep habarlaıdy "Adyrna" ulttyq portaly QazAqparatqa silteme jasap.
Kólik mınıstri ushaqqa dombyra ne ózge de mýzykalyq aspaptarmen kelip, "jaǵdaı jasalmady" dep daý shyǵaratyn tanymal tulǵalarǵa renishin bildirdi.
Mınıstr ushaqqa mýzykalyq aspappen jol júrý qaǵıdasyn túsindirdi.
«Mýzykalyq aspapty qolda ustap otyrýǵa bolmaıdy, bul qaýipsizdik erejesine saı kelmeıdi. Ústińgi júksalǵyshqa da keıde syımaı qalýy múmkin. Óıtkeni, elimizdegi ushaqtyń gabarıti alýan túrli – Bombardır-190, Boıng-737, Eırbas-320 bolýy múmkin. Sondyqtan jolaýshy bılet alarda nemese kompanııaǵa habarlasyp, mýzykalyq aspappen ushatynyn eskertip, málimetti naqtylaýy kerek. Ózimen birge ala kiretin múmkindigi bolmasa, kompanııa qosymsha oryn satyp alýǵa keńes berer edi. Máseleniń bári osynda», - dep jaýap berdi mınıstr Qarabaev.
Odan bólek, mınıstr bortqa ushaqpen kirip, máseleniń mánine barmaı, daý shyǵaratyn tanymal tulǵalardy da synady.
«Janýarmen birge saparlaıtyndar da jaǵdaıyn aldyn ala eskertedi. Sol sekildi mýzykalyq aspapty da aldyn ala aıtsa, ushaq kólemin naqtylap alsa, esh másele týyndamas edi», - dedi spıker.
