Ázerbaıjan prezıdenti Ilham Álıev VI shaqyrylymdaǵy Mıllı Medjlısti taratý jáne Ázerbaıjanda kezekten tys parlament saılaýyn taǵaıyndaý týraly jarlyqqa qol qoıdy. Bul týraly Report basylymy málimdedi, dep habarlaıdy “Adyrna” ulttyq portaly.
Málimetke sáıkes, 21 maýsymda ótken Parlamenttiń plenarlyq otyrysynda Mıllı Medjlıs Prezıdentke kezekten tys parlamenttik saılaý taǵaıyndaý týraly usynys joldaǵan. Oǵan 105 depýtat qoldap daýys bergen, qarsy - 1 daýys.
27 maýsymda Konstıtýııalyq sot Plenýmynyń otyrysynda Mıllı Medjlısti taratý jáne kezekten tys saılaýdy taǵaıyndaý konstıtýııaǵa sáıkestigi týraly qaýly qabyldandy.
Memleket basshysynyń ókimine sáıkes, kezekten tys parlament saılaýy 2024 jyldyń 1 qyrkúıegine belgilengen.
