Batys Qazaqstan oblysynyń Syrym aýdany tasqyn saldarynan edáýir shyǵynǵa ushyraǵan edi. Búginde aýdannan túlep ushqan stýdent jastar týǵan aýylyn qaıta qalpyna keltirýge, zardap shekken turǵyndar úshin baspana salýǵa atsalysýda. Qazirgi tańda Jympıty, Buldyrty, Óleńti jáne Kózdiǵara aýyldarynda úıi tasqynnnan 114 jańa úı boı kóterýde.
Qurylys jasaǵyndaǵy 50 stýdent jaz boıy qonystoıdy jaqyndatýǵa úles qospaq.
Aýyldaǵy stýdentter men jumyssyz jastar úshin ıgilikti jobany usynǵan – «Aýyl» halyqtyq-demokratııalyq patrıottyq partııasy.
Búgin Jympıtyda eńbek sarbazdaryn saltanatty qatarǵa qabyldaý sharasy ótti. Jas qurylysshylar saltanatty jıynnan keıin tike qurylys nysandaryna attanyp, jumys kúnin bastap ta ketti. Stýdent jastar «Proflaın», «JSGroup», «Qaldyǵaıty» JShS merdiger kompanııalary arqyly jumysqa ornalasyp jatyr.
- Tótenshe jaǵdaı jarııalanǵan kúnnen bastap óńirlik partııa fılıalynyń ujymy jáne «Aýyl jastary» qanatynyń 70 - ten astam eriktileri bóget jumystaryn júrgizýge, apat saldaryn joıýǵa barynsha atsalysty. Partııa tarapynan eriktiler quramy jasaqtalyp, keń kólemde gýmanıtarlyq kómek uıymdastyryldy. Bizdiń jastarymyzdyń bastamasymen óńirimizge eki júk kóligimen 25 tonnadan astam gýmanıtarlyq kómek jetkizilip, sý tasqynynan zardap shekken turǵyndarǵa taratyldy. - deıdi «Aýyl» partııasy jastar qanatynyń tóraǵasy Dáýren Rahymbek.
- “Aýyl” partııasynyń jańa jobasynyń Syrym aýdanynda bastaý alǵanyna qýanyshtymyz. Bul joba jastardy eńbekke baýlyp, halyqtyń muń-muqtajyn ishten sezinip, Otanǵa degen súıispenshilikteriniń arta túsýine ońynan áser etedi dep senemin. Baspanasyz qalǵan azamattar jyly uıalarymen tezirek qaýyshýyna tilektespiz. Halqymyzdyń ár azamaty qolynan kelgenshe osy jolda qyzmet etsin! - dedi aýdan ákimi Jumageldi Batyrnııazov.
Aıta keteıik, “Aýyl” partııasynyń janyndaǵy jastar qanaty tótenshe jaǵdaı ýaǵynda halyqpen birge boldy.
