Oral qalasynda sý tasqyny saldarynan jalǵyz baspanasy jaramsyz dep tanylǵan taǵy 12 saıajaı turǵyny baspanaly boldy. Jańa páterler demeýshiler qarjysyna satyp alyndy. Bul týraly Batys Qazaqstan ákimdigi jarııalady, dep habarlaıdy “Adyrna” ulttyq portaly.
Aıta keteıik, Memleket basshysy sý tasqynynan zardap shekken turǵyndarǵa tıisti kómek kórsetýdi tapsyrǵan bolatyn.
Úkimet basshysynyń tapsyrmasyna sáıkes, qarjylyq uıymdar men demeýshiler óńirdegi zardap shekken turǵyndarǵa qol ushyn sozyp, kómegin berýde.
Komarovo saıajaıynyń turǵyny Aınash Sámenovanyń jalǵyz baspanasy sýǵa ketip, jaramsyz dep tanylǵan. Búgin ol jańa páterine kirdi.
«2017 jyly Komarovo saıajaıynan úı salyp, otbasymyzben turyp jatqan edik. Kóktemgi tasqyn kezinde úıimizdi sý basty. Qazir, mine, jańa páterdiń kiltin qolymyzǵa aldyq. Qalanyń ortalyǵynda jańa úıde turamyz dep kútken joqpyz. Osyndaı jaǵdaı jasaǵan Memleket basshysyna alǵysymdy bildiremin», - dedi ol.
Jalpy Oral qalasynda kúni búginge saıajaıdaǵy jalǵyz úılerin sý basqan 71 otbasyǵa baspana berildi. Bul jumys ári qaraı jalǵasady.
