Osydan 90 jyl buryn ıaǵnı 1934 jyly 12-20 maýsym aralyǵynda Qazaqstan keńes jazýshylarynyń I sezi ótti, dep jazady “Adyrna” ulttyq portaly.
Qazaqstan jazýshylar odaǵy bul alǵashqy sezge 1932 jyldan bastap daıyndaldy. Uıymdastyrý bıýrosynyń tóraǵalyǵyna Ilııas Jansúgirov taǵaıyndaldy.
1935 jyly odaqtyń tóraǵasy bolyp ádebıet synshysy, qoǵam qaıratkeri Ǵabbas Toǵjanov, keıin Sábıt Muqanov taǵaıyndaldy.
Qazaqstan Jazýshylar odaǵy alǵashynda ıdeologııalyq qarý retinde qurylǵanymen, Sáken, Ilııas, Beıimbet bastaǵan arystar uıym jumysyn ult ádebıetine, tutas halyqtyń múddesine qaraı baǵyttaı bildi.
El taǵdyry, jer taǵdyry qyl ústinde turǵan kezde ómirge kelgen Qazaqstan Jazýshylar odaǵy aýyz ádebıetinen tamyr tartqan, Abaı poezııasynan bastaý alǵan jazba ádebıetimizdiń baı murasyn jınaý, damytý men qorǵaý jáne ony keńinen nasıhattaýdy qolǵa aldy.
