Tájikstan parlamenti «Tájikstan Respýblıkasyndaǵy salt-dástúrlerdi, merekeler men ádet-ǵuryptardy retteý týraly» zańǵa túzetýler engizip, «ulttyq mádenıetke qaıshy» dep atalatyn kıimderdi kııýge tyıym saldy. Bul týraly BAQ betterinde jarııalanýda, dep habarlaıdy “Adyrna” ulttyq portaly.
Aqparatqa sáıkes, bul kıim zańda tikeleı atalmaǵan, biraq sarapshylardyń pikirinshe, Tájikstan bıligi onymen kúresýdegi kóp jyldyq tájirıbesin eskere otyryp, eń aldymen áıelderdiń musylmandyq kıimderi týraly aıtyp otyr. Onyń ústine hıdjabqa ǵana emes, satrǵa da tyıym salynǵan.
Zańǵa sáıkes, qazir Tájikstanda mundaı kıimdi elge ákelýge, ony satýǵa jáne qoǵamdyq oryndarda kııýge resmı túrde tyıym salynǵan - bul aıyppulǵa ákep soǵady. Bul tyıymdy buzǵan tulǵalarǵa 7920 somonı nemese qazirgi baǵam boıynsha 733 dollar aıyppul salynýy múmkin, al sheneýnikterge 39600 somonı nemese 3668 dollar kóleminde aıyppul salynady.
Túzetýlerdi parlament qoǵamdyq talqylaýǵa usynbaı qabyldaǵanyn atap ótken jón.
Túzetýler áli zańdy kúshine engen joq, biraq zań qabyldanǵannan keıin birden Tájikstandaǵy áleýmettik jelilerde vıdeo taraı bastady: sýretke qaraǵanda, ol medıınalyq mekemelerdiń biriniń kireberisinde túsirilgen. Vıdeoda mekeme qyzmetkeri áıelderdi satr – musylman áıel bas kıimi úshin 3,5 myń somonı aıyppul salamyz dep qorqytady.
