Bes balanyń anasy jáne bylǵary qolǵap sheberi Aıgerim Sáttibaeva Astanada ótip jatqan "Elorda kýbogynde" baq synady. Oǵan jubaıy Oljas Sáttibaev qoldaý kórsetti. Bul týraly Qazaqstan boks federaııasy vıdeo jarııalady, dep habarlaıdy “Adyrna” ulttyq portaly.
48 kg salmaq dárejesinde synǵa túsken Aıgerim Sáttibaeva jarystyń jartylaı fınalynda Ózbekstan ókili Saıdahon Rahmonovamen judyryqtasty. Bul jekpe-jekte ózbekstandyq boksshy basym tústi. Jekpe-jek barysynda Sáttibaevanyń sekýndanty bolyp jubaıy, tanymal boksshy Oljas Sáttibaev qoldaý kórsetti.
Aıta keteıik, Oljas Sáttibaev – 2016 jylǵy Rıo Olımpıadasynyń qatysýshysy, 2015 jylǵy Azııa chempıony. Erli-zaıypty búginde bes bala tárbıelep otyr.
"Elorda kýbogynyń" fınalyna Qazaqstan áıelder quramasynan Anel Saqysh (54 kg), Karına Ibragımova (57 kg), Vıktorııa Grafeeva (60 kg), Mılana Safronova (66 kg), Lázzat Kúngeıbaeva (+81 kg) sııaqty boksshylar joldama aldy.
