Mektep qabyrǵasynda júrip, túrli jobalar qatysqan oqýshy Dáýren Ahmetti belgili kompanııa jumysqa shaqyrǵan. Tıisti salada is-tájirıbeden ótken jas ónertapqysh óz jobalarynyń erekelikterimen bólisti.
Almatydaǵy №178 mamandandyrylǵan lıeıdiń 11 synyp oqýshysy Dáýren Ahmet - ónertapqysh. Ǵylymǵa den qoıǵan ónertapqysh qazaq tilindegi komandamen jumys isteıtin «aqyldy úı» jobasyn oılap tapty.
MÚMKINDIGI KÓP ÚIDIŃ QOJASY – QOL TELEFONY
Dáýren Ahmet buǵan deıin birneshe ret respýblıkalyq ǵylymı jobalar baıqaýyna qatysyp, júldeger atanǵan.
- Zertteýge degen qyzyǵýshylyǵym 7 synyp oqyp júrgen kezimde bastaldy. Dál sol jyly mektebimizde robototehnıka úıirmesi ashylǵan edi. 1 jyl boıy jetekshim Dastan Rahatovtyń kómegimen bul salanyń qyr-syryn zerttedim. Alǵan bilimimniń nátıjesinde avtomattandyrylǵan qoqys jáshigin jasaǵan bolatynmyn. Ol adamdardyń kele jatqanyn sezip, qaqpaǵyn birden ashatyn. Solaı-solaı jańa dúnıelerdi qurastyrýǵa degen yntam ashyldy, - deıdi jas daryn.
Ýaqyt óte kele Dáýren telefon arqyly basqarýǵa bolatyn zamanaýı úıdi jasaýdy qolǵa alǵan. Múmkindigi kóp úıde turý úshin qolyńyzda telefon bolsa jetip jatyr.
- 9 synyp oqyp júrgen kezimde synyptasym Tólegen Dıaspen «SMS-habarlamalar arqyly zattardy basqarý fýnkııasy bar aqyldy mektep jobasy» taqyrybynda ǵylymı-zertteý jumysyn jazdyq. Tehnıkanyń damyǵan zamanynda zamanaýı tehnologııalardyń kómegimen SMART SCHOOL jobasy arqyly respýblıkalyq kezeńge joldama alyp, Almaty qalasynyń atynan qatystyq, - deıdi ol.
QAÝIPSIZDIK JÚIESINDEGI «AQYLDY ÚI»
Dáýren keıin osyǵan uqsas jumystardy damytqysy kelgenin aıtady.
- Osylaısha nazarymyz sońǵy jyldary erekshe tanymaldylyqqa ıe «Aqyldy úı» jobasyna tústi. Men de dál osyndaı ónertabys jasaǵym kelip, 10 synypta óz zertteýimdi bastadym. Izdenis barysynda «aqyldy úılerdiń» kópshiligi orys ne aǵylshyn tilinde jumys isteıtinine kóz jetkizdim. Osylaısha olardy nege qazaqsha sóıletpeske degen ıdeıa kelip, joba jumysyn bastap kettim. Synyptasym Raıymbek Mıraqparovpen jasaǵan úı qazaq tilinde qashyqtan da basqaryla beredi. Oǵan arnaıy baǵdarlamalardy ornattyq. Jaryq óship qalsa, úı generator arqyly qýat alady. Eger úı ıesi shetelge ketip qalsa, SMS arqyly úıdegi jaǵdaıdy baqylap, retteı alady, - degen ol jobany jasaýda baǵdarlamalardy jasap shyǵý qıyn bolǵanyn aıtady.
Jas zertteýshiniń aıtýynsha, «Aqyldy úı» jobasy qaýipsizdik júıesine qosylǵan.
- Dalaǵa shyǵyp bara jatqan kezde «lazer» dep aıtý kerek. Bul arnaıy komanda arqyly esik-terezelerde lazer paıda bolady. Eger úıge beıtanys adam kelip, ol lazerdi qıyp ótse, avtomatty túrde úı ıesine qońyraý shalynady. Osylaısha mán-jaıdy qashyqta otyryp-aq bilýge bolady. «Aqyldy úı» adamdarǵa qolaılylyq pen jarqyn ómir súrýge múmkindik beredi, - dep túsindirdi Dáýren Ahmet.
«BYLTYR JASYM JETPEDI, BIYL BASTAIMYN»
Dáýren Ahmet bul jobaǵa kóptegen jannyń qyzyǵýshylyq tanytqanyn atap ótti.
- «Aqyldy úıdi» «Digital Almaty-2023» atty halyqaralyq ıfrlyq forýmynda tanystyrǵan bolatynbyz. Sol kezde bizdi orys tilinde aqyldy úı qosymshasy men qurylǵysyn jasap júrgen «Connect home» kompanııasy is-tájirıbeden ótýge shaqyrdy. Bul kútpegen jańalyq boldy. Bilikti mamandardan kóp dúnıeni úırendik. Olar tipti resmı túrde birlesip jumys isteýge de usynys tastady. Ókinishke qaraı, ótken jyly jasym jetpedi. Buıyrsa, bıyl baǵymdy synap, jumysty bastamaqpyn,- dedi talantty oqýshy.
Dáýren bıyl altyn uıa mektebimen qoshtasyp, úlken ómirge qadam baspaqshy. Qazirdiń ózinde onyń bolashaqqa arnaǵan ózindik joba-jospary bar.
Dıana Asan,
«Adyrna» ulttyq portaly
