Qazaqstandyqtardyń jeke kýáligine ózgertýler engizilýi múmkin. Bul jaıly Ishki ister mınıstrliginiń «Ashyq NQA» portalyna ornalastyrǵan qujatynda jazylǵan, dep habarlaıdy «Adyrna» tilshisi.
Qujatta endi azamattyń jynysy men azamattyǵyn jazý josparlanyp otyr.
«Jeke basty kýálandyratyn qujattar týraly» QR Zańynyń 7-babynyń 1-tarmaǵynyń 3-tarmaqshasyna sáıkes jeke basty kýálandyratyn qujattarda azamattyń jynysy týraly málimetter bolady. QR azamatynyń jeke kýáliginiń aǵymdaǵy nusqasynda azamattyń jynysy týraly aqparat qujattyń chıpinde jáne onyń mashınadaoqylatyn aımaǵynda kodtalǵan túrde qamtylady. Osyǵan baılanysty, kórneki aımaqta jynysy týraly aqparatty kórsetý usynylady»,— delingen qujatta.
Aıta keteıik, jańa joba 21 mamyrǵa deıin jarııa talqylanady.
