Eger Qýandyq Bıshimbaev Saltanat Núkenovany óltirgisi kelse, kıller jaldaıtyn edi. Bul týraly eks-mınıstrdiń qorǵaýshysy Erlan Ǵazymjanov jaryssóz kezinde aıtty, dep habarlaıdy «Adyrna» tilshisi.
«Aıyptalýshynyń soqqy aldyndaǵy is-áreketi, soqqy jasap jatqandaǵy is-áreketi men soqqydan keıingi is-áreketi onyń óltirýge nıeti bolmaǵanynyń mańyzdy dáleli bolyp otyr. Núkenovany uryp-soǵýǵa deıingi minez-qulqyn taldaıyq. Elestetip kóreıikshi, eger Bıshimbaev kisi óltirýge sheshim qabyldasa, ol muny óz qolymen jasaı ma? Kisi óltirý úshin kásibı adamdy jaldaý áldeqaıda qaýipsiz. Bıshimbaevtyń bul iske qatysy baryn eshkim de bilmeıtin edi. Alaıda ol kıller jaldaýǵa talpynǵan joq»,—dedi Ǵazymjanov.
Advokat bundaı jaǵdaıda Bıshimbaev barlyǵyn aldyn ala bárin josparlap, Núkenovany qaýipsiz jerge aparar edi degen pikir bildirdi.
«Jábirlenýshi taraptyń «Bıshimbaev Núkenovany Dıma Bılannyń konerti kezinde óltirýdi josparlap qoıdy» degen sózderi múldem aqylǵa qonymsyz. Olar aıyptalýshynyń «Paltony tastap ket, ol saǵan endi kerek emes» degen sózderi soǵan dálel ekenin aıtyp otyr. Alqabılerdiń bireýi osyǵan sene me? Nelikten ol kisi óltirýdi munsha sozady? Nelikten tańǵa deıin qarym-qatynasyn taldaıdy? Onyń ókpe-nazyn tyńdap, bir nárseni dáleldeıdi. Bunyń bári ne úshin kerek? Ony qala syrtyna aparyp, óltirip, artynan kóme salǵan ońaıyraq emes pe?»— dedi qorǵaýshy.
Aıta keteıik, Astanada Bıshimbaev isi boıynsha taraptardyń jaryssózi ótip jatyr.
