Lırıkaǵa saıasatty aralastyrmaıyn deısiń, biraq aınalada bolyp jatqan oqıǵalar kóńilińdi alańdatqan soń, óleńge túsirmeske laj joq.
Qalǵanda sý astynda momyn jandar,
Aqshanyń tasqynyna shomylǵandar,
El basyna kún týǵan myna kúnde,
Etikpen sý keshýge qorynbańdar.
Ýaıymdap kedeı júr ǵoı kredıtin,
Ósimqor mıyǵynan kúledi ıtiń.
Halyqty kúnkóriske baılap qoısa,
Qul qylý ońaılyǵyn biledi ıtiń.
Jarlynyń moınyna artyp aıyppuldy,
Jemqorlar el baılyǵyn ǵaıyp qyldy.
Aqshamen biri basyn arashalap,
Shetelge taǵy biri taıyp turdy.
Solar ǵoı júzdep-myńdap kıik atqan,
Aqshasyn kazınoǵa jıi shashqan.
Tálim joq, tamsanatyn ónege joq,
Jol tappaı jas urpaq júr mıy qatqan.
Áı, shendi, aqyryn júr, anyq basyp,
Jasyrynbaq oınama, jaryqqa shyq.
Sý tasysa, sińedi-aý bir kún jerge,
Halyq tasyp ketpesin, halyq tasyp…
Qaıyrbek Shaǵyr
