Búgin - dıktor, doent, fılolog, Qazaqstannyń Eńbek sińirgen ártisi Saýyq Jaqanovanyń týǵan kúni, dep habarlaıdy "Adyrna" tilshisi.
Saýyq Másiǵutqyzy 1945 jyly 11 aqpanda Qaraǵandy oblysynda ómirge kelgen. 1966-2002 jyldary - Qazaq radıosynyń dıktory bolyp eńbek etken.
Jarty ǵasyryn Qazaq radıosyna arnaǵan altyn daýysty dıktor mamandyqty joǵary baǵalaǵan.
"Radıo tyńdaýshyǵa dybystap oqý, sóıleý arqyly jetetin aqparat quraly bolǵandyqtan, birinshi dıktordyń daýsyna mán beriledi", -degen Saýyq Jaqanova.
Ánýarbek Baıjanbaev ta «endi dıktorǵa senbeı kór» degen pikirinde tyńdaýshy qııalyn asqaqtatatyn dıktordyń sheberligin aıtqan.
"Qazaq radıosynyń qarlyǵashy" atanǵan Saýyq Jaqanova búginde "Sóıleý tehnıkasy", "Júrgizýshiniń sóıleý mádenıeti" atty kitaptarynyń avtory, dárisker, doent.
Ol kisi 1985 jyly "Qurmet belgisi" ordenimen, 1995 jyly Qazaqstan Respýblıkasynyń Eńbek sińirgen ártisi ataǵymen marapattaldy.
