Búgin - Alashorda kósemi Álıhan Nurmuhameduly Bókeıhanovtyń ólim jazasyna kesilip, atylǵan kúni.
Álıhan Nurmuhameduly Bókeıhan (1866—1937) — XIX ǵ. sońy men XX ǵ. basyndaǵy qazaq zııalylarynyń, qoǵam jáne memleket qaıratkerleri qataryndaǵy asa erekshe tulǵa. Kórnekti qoǵam jáne memleket qaıratkeri, ult-azattyq jáne Alash qozǵalysynyń jetekshisi, Alashorda avtonomııaly úkimetiniń tóraǵasy, pýblııst, ǵalym, aýdarmashy.
Týra osydan 86 jyl buryn, ıaǵnı 1937 jyly 27 qyrkúıekte I. V. Stalın basqarǵan Keńes ókimetiniń joǵarǵy soty qazaqty qaıta el qylǵan Alashorda úkimetiniń kósemi Álıhan Bókeıhannyń kózin joıýa aýyr úkim kesip, sumdyq jazany sol kúni oryndaǵan.
Ult kósemi Álekeńniń 1917 jyly Alashorda úkimetin quryp, jańadan qurylǵan qyzyl úkimettiń saıası kózqarasy qazaqtyń qoǵamdyq-saıası ómirine qarama-qarsy ekenin bilip, ásker jıyp, áskerin qarýlandyryp, soǵys ádisterine úıretip, Keńes ókimetimen soǵysqany úshin;
Álıhannyń endi damýǵa bet alǵan Japonııa úkimetiniń taza ulttyq memleket qurý úlgisin tańdap, sol jolda Alashorda úkimetin damytpaq bolǵany úshin;
Reseı jerinen aýǵan Kolchak pen Annenkovtarmen t.b. qarý-jaraǵy men ıdeıalary myqty Keńes úkimetine qarsy toptarmen birikkeni úshin.
KSRO úkimetiniń saıasatqa baǵynatyn zań oryndary Álekeńe osyndaı eń úlken úsh kiná taǵyp, atý jazasyna buıyryp, súıegin órtep jibergen.
