Búgin «Eýrazııalyq bank» Basqarma basshylary BAQ ókilderimen kezdesý ótkizdi. Jıynda banktiń 2022 jylǵy kórsetkishteri, jetistikteri men aldaǵy jospary sóz boldy. Atalǵan basqosýǵa adyrna.kz tilshisi de qatysyp, halyq kókeıindegi suraqtardy qoıdy.
2022 jyl álemdik ekonomıka úshin turaqsyz ári táýekelge toly bolǵany sózsiz. Geosaıası shıelenis pen sankııalyq shekteýler bank júıesine de aıtarlyqtaı áser etti. Eýrazııalyq bank osyndaı qıyn kezeńdi, syn-qaterlerdi aınalyp ótip, jańa múmkindikterdiń esigin ashqan. Bir ǵana mysal, bank naryqtaǵy úlesin 3,8 paıyzdan 5,3 paıyzǵa ulǵaıtypty. Kapıtal rentabeldigin 41 paıyzǵa arttyrǵan.
Odan ózge ekinshi, úshinshi mysaldardy tizbekteı berýge de bolady. ıfrlandyrý boıynsha, taýarlyq nesıe berýde sheshim shyǵarý 4 sekýnd ýaqyt ishinde júzege asady. Ótken jyldyń ekinshi jartyjyldyǵynda bank aktıvteri 2,3 trıllıon teńgeden asqan. Moody's Investors Service halyqaralyq reıtıng agenttigi Eýrazııalyq banktiń uzaq merzimdi depozıttik reıtıngisiniń B2 boljamyn «turaqtydan» «pozıtıvti» deńgeıge ózgertipti.
Eýrazııalyq bank avtonesıe berýde esh bankke des bermeı keledi. Naryqtaǵy úlesi – 48 paıyz. Tilshimiz basqarma basshysynan «Avtonesıe berýden alda kelesizder, naryqta taksı qyzmetine suranys óte joǵary. Eýrazııalyq bank óz avto-taksı qyzmetin iske qosýǵa qaýqarly ma?» dep surady.
«Bizde naqty osy baǵytqa arnalǵan jospar joq. Bul salany tereń zertteý qajet. Eger, tıimdi bolsa nege jasamasqa», – dedi Eýrazııalyq banktiń Basqarma tóraǵasy Lázzat Satıeva.
Hosh, sonymen atalǵan bank halyq úshin qanshalyqty tıimdi? Ózgelerden qalaı erekshelenedi? Tilshimiz osy saýalǵa da jaýap aldy.
«Eýrazııalyq bank ózgelerden qalaı erekshelenedi degende nesıe berý sharttarynyń jan-jaqtylyǵyn aıtýǵa bolady. Bizde nesıeni maquldaý kórsetkishi joǵary», – deıdi Basqarma tóraǵasy.
Odan ózge Eýrazııalyq bank POS-nesıeleý boıynsha naryqtyń 17 paıyzyn ıelenip, úshinshi orynda tur. Osy jyly Ózbekstan naryǵyna kirip, enshiles bank ashý josparlanýda. Tutynýshylarǵa qolaıly bank bolý úshin aıanyp qalmaımyz deıdi basqarma músheleri.
QR qarjy naryǵyn retteý jáne damytý agenttigi bergen 2020 jylǵy 3 aqpandaǵy № 1.2.68/242/40 lıenzııasy bar.
