İran İslam Respublikasynyŋ prezidentı Oraza ait pen Nauryz meiramdaryna orai Qazaqstan prezidentınıŋ atyna qūttyqtau jedelhattaryn joldady, dep habarlaidy “Adyrna”.
Aqorda mälımetıne süiensek, Masud Pezeşkian qūttyqtauynda meiırım men berekege toly osy qasterlı künderı mūsylman elderı arasyndaǧy tatulyq nyǧaiyp, özara yqpaldastyqtyŋ tereŋdeuıne septıgın tigızetınıne senım bıldırdı.
"Öz kezegınde Memleket basşysy Qasym-Jomart Toqaev Taiau Şyǧysta tūraqtylyq ornauyna jäne bauyrlas halyqtardyŋ yntymaǧy beki tüsuıne tılektes ekenın aitty. Prezident qasiettı Oraza ait pen äz-Nauryzdyŋ jaŋaru ruhy İran halqyna beibıtşılık jäne baq-bereke äkelsın degen tılegın jetkızdı", delıngen Aqorda habarlamasynda.
Aita keteiık, 28 aqpanda AQŞ pen İzrail İranǧa şabuyldaǧan. Codan berı qaqtyǧys älı toqtamady. İran oǧan jauap retınde AQŞ-tyŋ Parsy şyǧanaǧy elderınde ornalasqan äskeri bazalaryn atqylaǧan. Qazaqstan İrannyŋ būl äreketın aiyptaǧan. 15 nauryzda Qazaqstan basşysy Qasym-Jomart Toqaev jaŋa Konstitusiia referendumyna dauys bere kelıp, İrandy aityp, elde qos bilıktıŋ bolmauy keregın jäne Qazaqstan ony ötkergenın eske salǧan bolatyn.
“İranda dıni bilık negızgı baǧyt-baǧdardy aiqyndap, şeşım qabyldaidy. Prezident te bar, bıraq ol — formaldy memleket basşysy, ıs jüzınde yqpaldy tūlǧa sanalmaidy. Jalpy, kez kelgen elde, sonyŋ ışınde Qazaqstanda qos bilık bolmauǧa tiıs. Kezınde mūndai jüienı bız de bastan ötkerdık, bıraq baiansyz boldy. Tört jyl būryn elımızdıŋ ışkı tūraqtylyǧyna qauıp töndı. Būl Qazaqstanǧa da, basqa memleketterge de ülken sabaq boldy dep oilaimyn. Bız İran halqyna, onyŋ mädenietı men tarihyna qūrmetpen qaraimyz. Sondyqtan öz ūstanymymyzdan ainyǧan joqpyz, ärdaiym beibıtsüigış el bolyp qala beremız”, - degen edı Prezident Toqaev.
