Aqmola oblysynda Mäjılıs töraǧasy Erlan Qoşanov bastaǧan «Ädılettı jäne Progressivtı Qazaqstannyŋ Halyqtyq Konstitusiiasy üşın!» jalpyūlttyq koalisiiasynyŋ müşelerı jergılıktı halyqpen, jastarmen, sportşylarmen, eŋbek ūjymdarymen jäne turistık sala ökılderımen kezdesuler ötkızdı.
Sapar öŋır halqymen, etnomädeni bırlestıktermen kezdesuden bastaldy. Kökşetaudaǧy «Bolaşaq saraiynda» 400-ge juyq adam – ziialy qauym, şaǧyn jäne orta biznes ökılderı, aqsaqaldar, mäslihat deputattary, densaulyq saqtau jäne bılım beru salasynyŋ qyzmetkerlerı, basqa da belsendı azamattar jinaldy.
Alqaly jiynda söz söilegen Mäjılıs töraǧasy Erlan Qoşanov jaŋa Konstitusiianyŋ qabyldanuy arqyly Qazaqstan özınıŋ memlekettılıgın küşeitıp, jaŋa tarihi kezeŋge qadam basatynyn atap öttı. Mäjılıs spikerı elımızdegı qoǧamdyq dialogty jaŋa deŋgeige köteretın tübegeilı jaŋa organ – Halyq keŋesınıŋ qūryluyna erekşe nazar audardy.
– Jaŋa Konstitusiia arqyly Halyq keŋesı instituty qūrylady. Ol Qazaqstan halqynyŋ ortaq müddesın bıldıretın eŋ joǧary konsultativtık organ bolady. Assambleianyŋ barlyq infraqūrylymy men bıregei täjıribesı saqtalyp, öz jūmysyn jalǧastyrady. Halyq keŋesı öŋırlerdı, azamattyq qoǧamdy jäne etnomädeni bırlestıkterdı bırıktıredı. Iаǧni, halyqtyŋ köpetnikalyq ünı aiqyndala tüsedı degen söz. Osylaişa, Assambleianyŋ ūzaq jyldar boiy jiǧan täjıribesın paidalanyp, öz betınşe zaŋnamalyq kün tärtıbın qalyptastyratyn bırtūtas qūrylym qalyptasady, – dep atap öttı Erlan Qoşanov. 
Mäjılıs deputaty, «Auyl» partiiasynyŋ töraǧasy Serık Egızbaev jaŋa Konstitusiiany qabyldaudyŋ tarihi mänge ie ekenın, älemdık ahual qūbylyp tūrǧan uaqytta memleketımız tabiǧi damu kezeŋıne aiaq basqanyn aitty. Deputattyŋ pıkırınşe, jahandyq özgerısterge orai, elımızdıŋ ornyqtylyǧyn, Täuelsızdıgımızdıŋ tūraqtylyǧyn jäne aldaǧy ondaǧan jyldar boiy bırtındep damudy qamtamasyz etetın berık ärı zamanaui qūqyqtyq ırgetas qajet.
Jergılıktı jūrtşylyq ökılderı aldaǧy referendum qoǧamdy Memleket basşysynyŋ strategiialyq maqsattaryna bırıktıretınıne nazar audardy. Oblystyq mäslihat deputaty, käsıpker Omar Şonazarov är azamat üşın Konstitusiianyŋ maŋyzdylyǧyn tölqūjatpen salystyruǧa bolatynyn aitty. Eger tölqūjatta adamnyŋ jeke derekterı körsetılse, Konstitusiiada bükıl halyqtyŋ taǧdyry men bolaşaǧy qamtylǧan. Sol üşın de jaŋa Konstitusiia – ädıldık qaǧidattary şegendelgen, eldıŋ örkendeuı üşın berık negız bolatyn naǧyz halyqtyq qūjat.
Koalisiia müşelerınıŋ öŋırdegı volonterlık bırlestıktermen kezdesuı de mazmūndy öttı. A.Myrzahmetov atyndaǧy Kökşetau universitetınde ötken jiyn oblystyq volonterler forumynyŋ aşyluymen tūspa-tūs keldı. Forumǧa 500-ge juyq adam qatysty.
Kezdesude Mäjılıs deputaty, respublikalyq volonterlık qozǧalystyŋ jetekşılerınıŋ bırı Vera Kim jaŋa Konstitusiia jobasynda volonterlık qyzmettıŋ maŋyzdylyǧyna män berılgenıne toqtalyp, jūrtşylyqty qūttyqtady. Deputat atap ötkendei, osy arqyly Ata zaŋ jobasynda myqty memleket tek bilık instituttary ǧana emes, sonymen qatar bır-bırıne qoldau körsetuge daiyn adamdarǧa da arqa süieitını turaly qarapaiym, bıraq asa maŋyzdy ideia aiqyn körınıs tauyp otyr.
Ǧylym jäne joǧary bılım ministrı Saiasat Nūrbek pen «Assambleia jastary» respublikalyq qoǧamdyq bırlestıgınıŋ töraǧasy Timur Jūmyrbaev jaŋa Ata zaŋda adami kapitaldyŋ damuy eldıŋ strategiialyq damu baǧyttarynyŋ bırı retınde tanylatynyn atap öttı. Būl memleket bılımge, ǧylymǧa jäne jas ūrpaqtyŋ mümkındıkterıne senım artyp otyrǧanyn körsetedı.
Agrarlyq biznestı damytudyŋ jaŋa mümkındıkterı, jerdı qorǧauǧa jäne auyl şaruaşylyǧy salasynyŋ tūraqty jūmysyna memlekettık kepıldıkterdıŋ berıluı syndy Ata zaŋdaǧy jaŋaşyldyqtarǧa bailanysty Aqmola oblysynyŋ agrarlyq sektorynyŋ ökılderı öz pıkırlerın bıldırdı.
«Eurasia Group Kazakhstan» käsıporny alaŋyndaǧy aşyq dialog barysynda Qoǧamdyq koalisiia müşelerı fermerlerdıŋ barlyq sūraqtaryna jauap berdı.
Öz kezegınde agrarlyq sektor ökılderı jaŋa Konstitusiia jobasynda eŋbeksüigıştık, progress pen bılım memlekettıŋ ırgelı qaǧidalary retınde bekıtılgenıne oŋ pıkır bıldırdı.
Jaŋa Konstitusiia jobasyndaǧy eŋbek adamynyŋ märtebesı «ENKI» JŞS keramikalyq kırpış zauytynyŋ eŋbek ūjymymen kezdesude talqylandy.
Mäjılıs deputaty, «Respublica» partiiasynyŋ töraǧasy Aidarbek Qojanazarov Konstitusiianyŋ jaŋa redaksiiasynda qauıpsız eŋbek jaǧdailary, laiyqty syiaqy töleu jäne äleumettık qorǧau qūqyǧy zaŋdyq negızde bekıtıletınıne nazar audardy. Käsıporyn qyzmetkerlerınıŋ pıkırınşe, būl özgerıs memlekettıŋ jauapkerşılıgın küşeitıp, eŋbek adamdarynyŋ erteŋge degen senımın nyǧaita tüsedı.
Odan ärı Jalpyūlttyq koalisiia müşelerınıŋ Aqmola oblysynyŋ sport salasynyŋ ökılderımen kezdesuı Zerendı audanynyŋ mamandandyrylǧan balalar men jasöspırımderdıŋ sport mektebınde öttı. Būl sport mektebı zaŋsyz alynǧan aktivterdı qaitarudan tüsken qarajat esebınen boi kötergenın aita ketken jön.
Bapkerlermen, sportşylarmen jäne seksiia basşylarymen äŋgıme barysynda koalisiia müşelerı jaŋa Konstitusiia jobasynda ädılettılık ūǧymy alǧaş ret memleket pen bilıktıŋ jaŋarǧan modelınıŋ qaǧidalarynyŋ bırı retınde bekıtılgenın atap öttı. Būl rette, resurstar qoǧamdyq igılıktı arttyruǧa arnalady, al azamattardyŋ müddesı korporativtık paidadan joǧary qoiylady. Kezdesude jergılıktı sportşylar barlyǧyna teŋ mümkındıkter tuǧyzu, äsırese, öŋırlerden şyqqan talantty jastardyŋ damuy üşın maŋyzdy mümkındık ekenıne nazar audardy.
Aqmola oblysynyŋ turizm jäne qolöner salasy ökılderımen kezdesude Ata zaŋ deŋgeiınde tabiǧatqa qamqorlyq, ūlttyq mädeniettı qoldau jäne şyǧarmaşylyq erkındıktıŋ erekşe maŋyzy söz boldy.
Öz kezegınde turizm salasynyŋ ökılderı jaŋa Konstitusiia jobasynda azamattar men memlekettıŋ mındetterı arasyndaǧy teŋgerım qamtylǧanyna nazar audardy. Atap aitqanda, tarihi jäne mädeni mūrany saqtauǧa qamqorlyq jasau, tarih pen mädeniet mūralaryn qadırleu syndy Qazaqstan azamattarynyŋ mındetterın jūrtşylyq jyly qabyldady. Olar atap ötkendei, ärbır qazaqstandyqtyŋ derbes jauapkerşılıgı arqyly elımızdıŋ qaitalanbas bai mūrasyn bolaşaq ūrpaqqa aman jetkıze alamyz.
Kezdesulerge qatysuşylardyŋ barlyǧy 15 nauryzdaǧy referendumǧa qatysyp, jaŋa Konstitusiiany qabyldauǧa dauys beruge niettı ekenın bıldırdı.
Jalpyūlttyq Koalisiianyŋ baspasöz qyzmetı
Surettı tüsırgen: Äli Ǧalym, Talǧat Tanybaev
Daiyndaǧan: «AMANAT MEDIA GROUP» JŞS
Tapsyrys beruşı: M.J. Ospanov
«AMANAT» partiiasy» QB qarajatynan tölendı
