10 qaŋtarda, Qazaq ädebietınıŋ damuyna zor üles qosqan körnektı jazuşy Iliias Esenberlinnıŋ tuǧan künımen qatar Qazaq ädebietı künı atalyp ötıp jatyr. Būl mereke 2019 jyly Qaraǧandy qalasynda Respublikalyq Qazaq club bastamasymen Qazaq ūlttyq küntızbesıne engızılgen.
Iliias Esenberlin – qazaq ädebietınde ūlttyq tarihymyzdyŋ bırneşe kezeŋın qamtityn tarihi şyǧarmalar jazǧan tūŋǧyş qalamger. Onyŋ «Köşpendıler» romany qazaq halqynyŋ tarihyn jas ūrpaqqa nasihattap, ūlttyq sana men tärbienı oiatuda airyqşa röl atqarǧan. Ilekeŋnıŋ şyǧarmaşylyǧy bügıngı taŋda qazaq ädebietınıŋ fenomenı retınde baǧalanady.
Qazaqstannyŋ Eŋbek Erı Mūhtar Şahanov barşa qazaqstandyqtardy merekemen qūttyqtady.
«2019 jyly Qaraǧandy qalasynda Respublikalyq "Qazaq club" bastamasymen Ūlt qūndylyqtaryn saqtau jäne nasihattauǧa baǧyttalǧan Qazaq küntızbesınde 10 qaŋtar – Qazaq ädebietı künı retınde belgılendı. Būl künı 1915 jyly qazaqtyŋ daryndy jazuşysy Iliias Esenberlin düniege kelgen. Iliias Esenberlinge deiın qazaq ädebietınde ūlttyq tarihymyzdyŋ bırneşe kezeŋın qamtityn tarihi şyǧarmalar joq edı. Ilekeŋnıŋ basty jetıstıgı – töl tarihymyzdy romandar arqyly jaŋǧyrtuynda.
Tarihi romandary arqyly ūlttyq sana men tärbienı oiatqan körnektı jazuşynyŋ düniege kelgen künı Qazaq ädebietı künı retınde atalyp ötuı – keremet bastama», – dep atap öttı.
Aqyn Serık Aqsūŋqarūly da barşa qazaqstandyqtardy merekemen qūttyqtap, Iliias Esenberlinnıŋ şyǧarmalary arqyly jastardyŋ ūlttyq mūrasyn tanyp, boiyna sıŋıru mümkındıgıne basa nazar audardy.
"Iliias Esenberlinnıŋ şyǧarmaşylyǧy – qazaq ädebietınıŋ fenomenı. Onyŋ tuyndylary arqyly jastarymyz öz tarihyn, ūlttyq mūrasyn tanyp, ony boiyna sıŋıruge mümkındık alady", - dedı aqyn.
