Premer-ministrdıŋ orynbasary – Mädeniet jäne aqparat ministrı Aida Balaeva Ükımettıŋ 2025 jylǧy jeltoqsanda qabyldaǧan 2030 jylǧa deiıngı Köşı-qon saiasaty tūjyrymdamasynyŋ negızgı erejelerın tüsındırdı, dep habarlaidy "Adyrna".
Ministrdıŋ sözınşe, qazırgı zamanda köşı-qon saiasaty qoǧamdaǧy, ekonomikadaǧy jäne älemdegı özgerısterdıŋ aiqyn körsetkışıne ainalyp otyr. Sondyqtan basty nazar «Zaŋ jäne Tärtıp» qaǧidatynyŋ saqtaluynda bolady.
"Zaŋ bärıne ortaq. Sondyqtan köşı-qon talaptaryn būzǧandar jauapkerşılıkten syrt ainalyp kete almaidy. Būl talap migranttarǧa da, jūmys beruşılerge de bırdei qoldanylady. Qauıpsızdık elge kıruden bastap, elden şyǧuǧa deiın tolyq qamtamasyz etıledı. Bızdıŋ maqsatymyz – Qazaqstanǧa zaŋdy syilaityn, mädenietımızdı qūrmetteitın adamdardyŋ keluı", – dep atap öttı ministr.
Balaevanyŋ aituynşa, 2026 jylǧy qaŋtardan bastap jaŋa tärtıp engızıledı. Onyŋ aiasynda yqtiiarhat alǧysy keletın şetel azamattary, sonyŋ ışınde etnikalyq qazaqtar, aldyn ala ırıkteuden ötedı. Oǧan memlekettık tıldı bılu testı, sifrlyq saualnama, uäkılettı organdardyŋ tekserulerı jäne äŋgımelesu kıredı.
«Memlekettık jeŋıldıkter men qoldau baǧdarlamalaryn paidalanu üşın olar qandas märtebesın räsımdep, eŋbek küşı tapşy öŋırlerge qonystanuy kerek. Būl – Aqmola, Abai, Qostanai, Pavlodar, Atyrau, Batys, Şyǧys jäne Soltüstık Qazaqstan oblystary. Bız otandastarymyzdy memlekettık strategiiany ūstanuǧa şaqyramyz. Öŋırlık kvotaǧa kırgen qandastar köşıp kelgen kezde 5 jylǧa äleumettık kelısımşart jasaidy. Memleket olarǧa köşuge, baspanaǧa jäne jūmysqa ornalasuǧa kömektesedı. Al eger otbasy bes jyl ötpei basqa öŋırge köşse, alǧan kömektı qaitaruǧa tiıs bolady», – dep tüsındırdı ministr.
Sonymen qatar balama jol da bar. Iаǧni, memlekettık qoldausyz, jalpy tärtıppen tūraqty tūruǧa rūqsat alu. Būl jaǧdaida azamattar öŋırdı öz qalauynşa taŋdai alady.
Aida Balaeva jaŋa köşı-qon saiasaty kezeŋ-kezeŋımen engızıletının aitady. Sözınşe, qoǧamnyŋ, biznestıŋ jäne öŋırlerdıŋ pıkırı eskerıledı. Zaŋdy qūrmetteitın, adal azamattarǧa ärdaiym basymdyq berıledı. Sifrlyq qūraldar zaŋsyz äreketter men jalǧan qūjattardy joiuǧa mümkındık beredı.
