Qarjy ministrlıgınıŋ Memlekettık kırıster komitetı 2026 jylǧy 1 qaŋtardan bastap jaŋa Salyq kodeksımen küşıne engen kölık salyǧyna qatysty özgerısterdı tüsındırdı, dep habarlaidy “Adyrna”.
Atap aitqanda, paidalanu merzımı 10 jyldan 20 jylǧa deiıngı jeŋıl avtokölıkter üşın kölık salyǧyn esepteu kezınde 0,7 tüzetu koeffisientı qoldanylady, al 20 jyldan asqan avtokölıkterge – 0,5 koeffisientı belgılengen. Salyq jyl qorytyndysy boiynşa tölenetının eskersek, tömendetuşı koeffisientterdı esepke alǧandaǧy salyq somasy 2026 jyl üşın 2027 jyly eseptelıp, tölenedı.
Qozǧaltqyş kölemı 3 litrden asatyn, 2013 jylǧy 31 jeltoqsannan keiın Qazaqstan Respublikasynda öndırılgen (jasalǧan nemese qūrastyrylǧan) nemese 2013 jylǧy 31 jeltoqsannan keiın Qazaqstan Respublikasynyŋ aumaǧyna äkelıngen jeŋıl avtokölıkterge arnalǧan salyq mölşerlemelerı alyp tastaldy.
Şarua nemese fermer qojalyqtary özge de jeŋıldıkterge qosa, bır şaruaşylyqqa bır ǧana jük platformasy bar jäne jürgızuşı kabinasy jük bölıgınen qatty stasionarlyq qalqamen bölıngen jeŋıl motorly kölık qūralynan (pikap avtokölıkter) kölık salyǧyn töleuden bosatylady.
Sondai-aq kölık qūraldarynyŋ sanattaryn kölık türıne (pikaptar, djipter, limuzinder, furgondar) qarai böluge qatysty norma alynyp tastaldy. Endı kölık qūralynyŋ sanaty kölık qūralyn tırkeu turaly kuälıkte körsetılgen basqaru qūqyǧy sanatyna (A, B, C, D) säikes aiqyndalady.
Salyqtyq eseptılık nysandaryn qysqartu maqsatynda kölık salyǧy boiynşa aǧymdaǧy tölemderdı esepteu turaly eseptı (salyqtyq eseptılık) tapsyru mındetı joiyldy. 2026 jyldan bastap salyq töleuşı tek jyldyq deklarasiia tapsyryp, salyqty jyl qorytyndysy boiynşa bır ret töleitın bolady.
