Aqtöbe oblysyna qarasty Temır qalasynyŋ äkımı Erkın Dalmaǧambetov özıne qol jūmsady degen aqparat tarady. Būl turaly orda.kz jazdy, dep habarlaidy «Adyrna» tılşısı.
Şeneunıktıŋ denesı 20 jeltoqsan künı keşkı saǧat toǧyzdar şamasynda üiınen tabylǧan. Marqūm 46 jasta bolǧan.
Beiresmi mälımetke säikes, sol künı ol dostarymen kezdesken. Qaiǧyly jaǧdaidy audandyq äkımdık rastady.
«Marqūmnyŋ denesı üiınen tabyldy. Qazır jan-jaqty tekseru jürgızılıp jatyr. Artynda balalary qaldy», — dedı Temır audanynyŋ äkımı Almas Jaqsylyqov.
Erkın Dalmaǧambetov Temır qalasynyŋ äkımı qyzmetıne ötken jyldyŋ mausym aiynda taǧaiyndalǧan. Būǧan deiın memlekettık qyzmette türlı lauazymdarda jūmys ıstegen.
Aqtöbe oblystyq polisiia departamentı oqiǧanyŋ män-jaiy anyqtalyp jatqanyn, tergeu jürıp jatqanyn habarlady. Qosymşa aqparat jariialanbaidy.
Aita keteiık, būǧan deiın Aqtöbe oblysynyŋ Alǧa audanynda Bestamaq auylynyŋ äkımı Qanat Däuletalin özıne qol jūmsamaq bolǧany habarlanǧan edı.
