Almaty qalasynda HAVAL markasynyŋ jaŋartylǧan H6 krossoverı tanystyryldy. Modeldıŋ basty erekşelıgı — multimediialyq jüienıŋ tolyqtai qazaq tılınde jūmys ısteuı.
Krossoverdıŋ resmi tanystyrylymy 12 jeltoqsanda öttı. Sol jiynda Astana Motors qūramyndaǧy Haval-dyŋ Qazaqstandaǧy resmi distribiutory jaŋartylǧan HAVAL H6 modelınıŋ el aumaǧynda satylymǧa şyqqanyn habarlady.
Jaŋa model alǧaş ret Almatydaǧy Astana Motors Manufacturing Kazakhstan zauytynda qūrastyryldy. Öndırıstıŋ jergılıktendırıluı nätijesınde kölıktıŋ multimediialyq jüiesıne qazaq tılındegı mäzır engızılıp, interfeis tolyqtai beiımdelgen. Jürgızuşı kölık parametrlerın, navigasiiany, qauıpsızdık jüielerın jäne multimedia baptaularyn qazaq tılınde basqara alady.
Kompaniia ökılderınıŋ aituynşa, tıldık lokalizasiia jürgızuşınıŋ kölıkpen özara äreketın jeŋıldetıp, qauıpsızdık deŋgeiın arttyruǧa baǧyttalǧan. Qazaq tılındegı mäzır jürgızuşınıŋ nazaryn alaŋdatpai, jüienı tez ärı tüsınıktı paidalanuǧa mümkındık beredı.
HAVAL H6 — ortaşa kölemdı krossoverler segmentınde älemdık deŋgeide sūranysqa ie model. Ol bırneşe jyl qatarynan C-SUV sanatynda eŋ köp satylǧan kölıkterdıŋ qatarynda bolyp keledı. Jaŋa nūsqa zamanaui dizain men funksionaldyq şeşımderdı bırıktıredı.
Jaŋartylǧan HAVAL H6 ekı turbodvigatelmen ūsynylady. 1,5 litrlık qozǧaltqyştyŋ quaty — 184 at küşı, al 2,0 litrlık nūsqasy 238 at küşıne deiın jetedı. Kölık intellektualdy tolyq jetek jüiesımen jäne alty türlı jürgızu rejimımen jabdyqtalǧan.
Krossoverdıŋ qauıpsızdık deŋgeiı de küşeitılgen. Kuzovtyŋ negızgı bölıgı joǧary berıktı bolattan jasalǧan. Barlyq jinaqtamada alty qauıpsızdık jastyǧy bar. Sonymen qatar jürgızuşıge kömektesetın ADAS L2 deŋgeiındegı elektrondy jüieler keşenı ūsynylady.
HAVAL H6 bes oryndyq nūsqada şyǧarylady. Jüksalǧyş kölemı 560 litrdı qūraidy. Joǧary jinaqtamalarda panoramalyq şatyr, proeksiialyq displei, oryndyqtardy jylytu jäne jeldetu funksiialary qarastyrylǧan.
