Astanada İndustriia jäne infraqūrylymdyq damu ministrlıgınıŋ būrynǧy vise-ministrı Ädılbek Särsembaev ūstaldy. 47 jastaǧy eks-şeneunıkke Qylmystyq kodekstıŋ 361-baby «Lauazymdyq ökılettıkterdı terıs paidalanu» boiynşa aiyp taǧyluda. Būl turaly belgılı jurnalist Mihail Kozachkov jazdy, dep habarlaidy "Adyrna".
Derekközdıŋ mälımetınşe, Qarjylyq monitoring agenttıgınıŋ qyzmetkerlerı Särsembaevty äskeri tehnikany satyp aluǧa qatysty şuly qylmystyq ıs aiasynda tergep jatyr. Tergeu boljamy boiynşa, eks-vise-ministr «KAZYTEC» jauapkerşılıgı şekteulı serıktestıgın zaŋsyz türde äskeri tehnika jetkızuşı etıp taǧaiyndauǧa yqpal etken.
Negızgı qylmys shemasy joiǧyş ūşaqtarǧa arnalǧan qosalqy bölşekterdı satyp alu kezınde jüzege asqan. «QAZARNAULYEKSPORT» käsıporny būl tapsyrysty oryndau üşın tiıstı bılıktılıgı joq «KAZYTEC» kompaniiasyn tartqan. Nätijesınde memleketke 600 million teŋge kölemınde zalal keltırılıp, ūşaqtar qajettı bölşektersız qalǧan.
Qūqyq qorǧau organdarynyŋ Särsembaevqa nazar audaruy äskerilerge arnalǧan tehnika satyp alu ısıne bailanysty ırı korrupsiialyq tergeu barysynda paida bolǧan. Tergeu materialdaryna säikes, būl mämılelerdıŋ saldarynan memleketke 600 mln teŋge kölemınde şyǧyn kelgen. Ispen Qarjylyq monitoring agenttıgı ainalysyp jatyr.
Aqparatqa qaraǧanda, Särsembaev 2025 jylǧy 12 jeltoqsanda Qazaqstannan ketıp, BAÄ-ge ūşyp ketudı josparlaǧan, alaida ol ūstaldy.
Qazırgı uaqytta Ädılbek Särsembaevqa qatysty būltartpau şarasyn taŋdau mäselesı qarastyryluda. Eger onyŋ kınäsı däleldense, ol 7 jylǧa deiın bas bostandyǧynan aiyryluy mümkın.
Äzırge Ädılbek Särsembaevqa qatysty resmi organdar naqty mälımdeme jasaǧan joq.
