Bügın bükıl älemde Halyqaralyq adam qūqyqtary künı atap ötıledı. 1948 jylǧy 10 jeltoqsanda BŪŪ Bas Assambleiasy Jalpyǧa bırdei adam qūqyqtary deklarasiiasyn qabyldaǧan bolatyn, dep habarlaidy «Adyrna» tılşısı.
Būl — halyqaralyq adam qūqyqtarynyŋ tūŋǧyş düniejüzılık aktısı. Qūjatta alǧaş ret ärbır adamǧa qatysty negızgı qūqyqtar men bostandyqtar 30 bap türınde jüielenıp körsetıldı. Deklarasiiada ūltyna, tūratyn jerıne, jynysyna, etnikalyq şyǧu tegıne, tılıne, dınıne nemese özge de jaǧdaiyna qatysty qandai da bır aiyrmaşylyqsyz bärımızde bar negızgı qūqyqtar men bostandyqtardyŋ keŋ tızbesı bekıtılgen.
Qazırgı taŋda deklarasiia älem elderınıŋ ükımetterı men halyqtary moiyndaǧan maŋyzdy halyqaralyq akt bolyp otyr. Ol 500-ge juyq tılge audarylyp, Ginnestıŋ rekordtar kıtabynda älemdegı eŋ köp audarylǧan qūjattardyŋ bırı retınde tırkeldı.
Aita keteiık, Qazaqstan 1992 jyly nauryzdyŋ 2-sı künı BŪŪ-ǧa müşe boldy, Adam qūqyqtarynyŋ jalpyǧa bırdei deklarasiiasyn oryndau mındetın moinyna aldy.
