«AMANAT» partiiasynda «Qaryzsyz qoǧam» jobasyn jüzege asyru barysy qorytyndylandy. Üş jyl būryn partiia halyqtyŋ qarjylyq sauatyn arttyru jäne azamattardyŋ nesie jüktemesın azaitu baǧytynda jüielı jūmys jürgızu maqsatynda barlyq jauapty memlekettık organdardyŋ, bankterdıŋ jäne özge de qarjy ūiymdarynyŋ resursyn bır arnaǧa toǧystyrdy. Joba tūtas el aumaǧynda jüzege asyryldy. Biyl 860 myŋǧa juyq el azamaty oqudan ötıp, olarǧa käsıbi kömek körsetıldı.
Söz basynda Mäjılıs Spikerı, «AMANAT» partiiasynyŋ Töraǧasy Erlan Qoşanov «Qaryzsyz qoǧam» jobasynyŋ jüielı jüzege asuyna aianbai atsalysqan barşa azamatqa alǧysyn bıldırıp, onyŋ tūrǧyndarǧa äleumettık qoldau körsetudıŋ tiımdı qūralyna ainalǧanyn atap öttı.
«Bügınde «AMANAT» partiiasynyŋ «Qaryzsyz qoǧam» jobasy qandai damu jolynan ötkenın körıp otyrmyz. Ol şaǧyn ǧana partiialyq bastamadan auqymdy memlekettık baǧdarlamaǧa ainaldy. Prezidenttıŋ, halyqtyŋ qoldauyna ie boldy. Būl joba – türlı jaǧdaiǧa tap bolǧan adamdarǧa körsetılgen naqty kömek. Öitkenı, şeşımın tapqan är mäselenıŋ artynda myŋdaǧan adamnyŋ taǧdyry tūr. Eŋ bastysy, azamattardyŋ ümıtı oianyp, senımı nyǧaiuda. Joba sonysymen qūndy», – dedı Erlan Qoşanov.
Partiia Töraǧasy bügınde «Qaryzsyz qoǧam» jobasy auqymdy pıkırlester tobyn bırıktırıp, būl qadam azamattarǧa keşendı kömek körsetudıŋ tūtas ekojüiesın qūruǧa mümkındık bergenın atap öttı. Sondai-aq olar onlain rejimde de jūmys ısteidı. Partiia bazasynda respublikalyq koll-ortalyq ıske qosylyp, onda kün saiyn 180 zaŋger 5 myŋǧa juyq ötınış qabyldauda. Būǧan qosa, qogamfin.kz sifrlyq platformasy qūrylyp, WhatsApp jäne Telegram-da AI-bottar jūmys ısteude. Biyldan bastap auyldyq jerlerde şalǧai eldı mekenderdegı azamattarmen tıkelei kezdesu ötkızetın mobildı toptar jūmys ıstei bastady.
Joba qyzmetkerlerı azamattarǧa alǧaşqy ötınış bergen sätten bastap, olar qiyn jaǧdaidan tolyq şyqqanǧa deiın qoldau körsetedı. Olar zaŋgerlık keŋes beredı, psihologiialyq kömek körsetedı. Sondai-aq şottar men mülıkterdı būǧattan şyǧaruǧa, qaryzdardy qaita qūrylymdauǧa, bereşek boiynşa tölem jasaudyŋ qolaily kestesın qūruǧa, jaŋa daǧdylardy üiretuge kömektesedı. Būl şaralar myŋdaǧan qazaqstandyq otbasynyŋ daǧdarystan şyǧyp, ömırdı qaita bastauyna mümkındık berdı.
«Qaryzsyz qoǧam» jobasy belsendı damyp keledı. Biyl Iаndeks, Naimi.kz jäne özge de sifrlyq platformalarmen serıktestık ornatyldy. Taksi jürgızuşılerınıŋ, jetkızu qyzmetı mamandarynyŋ qūqyǧy men müddesın qorǧau boiynşa keşendı jūmys jürgızılude. Bügınde jobaǧa platforma arqyly jūmyspen qamtylyp, şottary būǧattalǧanjäne özge de kürdelı mäselelerge tap bolǧan 95 myŋǧa juyq azamat jügındı.
Jobaǧa elımızdıŋ jetekşı joǧary oqu oryndarynyŋ zaŋ klinikalary qosyldy. Joǧary kurs studentterı oqytuşylardyŋ jetekşılıgımen azamattarǧa keŋes berıp, qūjattar äzırleuge kömektesedı jäne kürdelı jaǧdailardy taldaidy. Keibır öŋırlerde «Qaryzsyz qoǧam» jobasy aiasynda qarjylyq sauattylyq kursynan ötken azamattar jūmysqa ornalastyryluda.
Sondai-aq Erlan Qoşanov Mäjılıstegı «AMANAT» partiiasy fraksiiasynyŋ deputattary boryştyq mäseleler tuyndamai tūryp, ony aldyn alu baǧytynda jüielı qūqyqtyq şaralar qabyldap jatqanyn atap öttı. Osylaişa Prezident tapsyrmasyna säikes, qarjylyq qyzmetterdı tūtynuşylar qūqyǧynyŋ qorǧaluyn küşeitetın bırqatar zaŋ qabyldandy. Olardyŋ qatarynda – bereşektı öteu merzımı 90 künnen asyp ketken azamattarǧa jaŋa tūtynuşylyq nesie beruge tyiym salu, bankten qaryz alu üşın jūbaiynyŋ nemese zaiybynyŋ kelısımın alu talaby, nesieden bas tartuǧa mümkındık beretın 24 saǧattyq «suytu merzımı» jäne özge de normalar bar.
Juyrda Mäjılıs bankter jäne bank qyzmetı turaly jaŋa zaŋ qabyldady. Oǧan säikes, bankter azamattardyŋ bır mezgılde bırneşe nesie räsımdeu mümkındıgın şektep, onyŋ şarttaryn tolyq tüsındıruge tiıs. Sonymen qatar problemalyq bereşekterdı sottan tys retteu qūraldaryn keŋeitu jūmysy jalǧasuda jäne qaryzdy kollektorlarǧa satuǧa tyiym salatyn moratorii merzımı ūzartyldy.
Is-şara barysynda Premer-Ministrdıŋ orynbasary – Ūlttyq ekonomika ministrı Serık Jūmanǧarin «Qaryzsyz qoǧam» jobasy Ükımet pen «AMANAT» partiiasynyŋ bırlesken josparly jūmysynyŋ nätijesı ekenın atap öttı. Bügınde ol azamattarǧa qarjylyq sauattylyqty arttyrudanbastap, bereşektı täjıribe jüzınde retteuge deiıngı keşendı qoldau körsetedı. Onyŋ aituynşa, jol kartasy, sifrlyq servister jäne jaŋartylǧan zaŋnama arqyly otbasylardyŋ qaryz jüktemesın azaituǧa jäne qarjylyq tūraqtylyǧyn küşeituge naqty jaǧdai jasalyp otyr.
Qarjy naryǧyn retteu jäne damytu agenttıgınıŋ töraǧasy Mädina Äbılqasymova«Qaryzsyz qoǧam» jobasy nesie bereşegı mäselesın jüielı türde şeşudıŋ naqty qūralyna ainalǧanyn atap öttı. Onyŋ aituynşa, «AMANAT» partiiasynyŋ qoldauymen jäne qarjy ūiymdarynyŋ belsendı qatysuymen joba naqty nätijelerge qol jetkızıp, azamattardy qorǧaudyŋ tiımdı modelın qalyptastyrdy.
Sondai-aq Oqu-aǧartu ministrı Jūldyz Süleimenova, «Qaryzsyz qoǧam» jobasynyŋ ambassadory, Mäjılıs deputaty Däulet Mūqaev ta öz pıkırlerın bıldırdı.
Sonymen qatar ıs-şaraǧabeinekonferensbailanys rejimı arqyly barlyq öŋır men respublikalyq maŋyzy bar qalalar äkımderınıŋ orynbasarlary, mentorlar, zaŋ klinikalary, öŋırlık üilestıruşıler jäne jobaǧa atsalysyp jürgen azamattar qatysty.
Kezdesu soŋynda «Qaryzsyz qoǧam» jobasynyŋ qatysuşylaryna, serıktesterı men sarapşylaryna partiialyq marapattar men alǧys hattar tabystau saltanaty öttı.
