2025 jyldyŋ 16 qyrküiegınen bastap Qazaqstan Respublikasy Qylmystyq kodeksıne dropperlık üşın jauapkerşılıktı qarastyratyn jaŋa 232-1-baby engızıldı.
Bank şotyna, tölem nemese säikestendıru qūraldaryna zaŋsyz qol jetkızu, ony beru nemese alu, sondai-aq zaŋsyz tölemder men aqşa audarymdaryn jüzege asyru, onyŋ ışınde materialdyq syiaqy üşın üşınşı tūlǧalarǧa bank kartasyn beru äreketterı dropperlık bolyp sanalady.
Būl äreket internet-alaiaqtyqtyŋ negızgı ädısterınıŋ bırı jäne ūrlanǧan qarajatty qolma-qol aqşaǧa ainaldyru men şyǧaru üşın qoldanylady. Is-ärekettıŋ auyrlyǧyna, sipatyna jäne alynǧan paida mölşerıne qarai 232-1-bap aiyppūldan bastap, mülıktı tärkılei otyryp 7 jylǧa deiın bas bostandyǧynan aiyru jazasyn qarastyrady.
Atalǧan norma kiberalaiaqtyqqa qarsy jüielı kürestı, azamattardyŋ qarjylyq qauıpsızdıgın nyǧaitudy jäne sifrlyq ortada äreket etetın qylmystyq toptardyŋ qyzmetın toqtatudy közdeidı.
