Şyǧys Qazaqstan oblysy halyqaralyq jastar dialogynyŋ alaŋyna ainaldy. Öŋırge Şanhai yntymaqtastyq ūiymyna (ŞYŪ) müşe elderdıŋ jas köşbasşylarynan qūralǧan delegasiia resmi saparmen keldı.
Sapar 2024 jylǧy 4 şıldede Astanada ötken «ŞYŪ plius» formatyndaǧy sammitte qol jetkızılgen kelısımder aiasynda jüzege asyp jatyr. Ol sammitte Qazaqstan Respublikasynyŋ Prezidentı Qasym-Jomart Toqaev jahandyq syn-qaterler jaǧdaiynda ūiymǧa müşe memleketterdıŋ bırlıgı men bırlesken küş-jıgerınıŋ maŋyzdylyǧyn atap ötken bolatyn.
Delegasiia qūramyna Qytai Halyq Respublikasy, Resei Federasiiasy, Qyrǧyz Respublikasy, Özbekstan jäne Täjıkstan Respublikalarynan kelgen jas köşbasşylar, erıktıler men qoǧam belsendılerı kırdı. Sapardyŋ negızgı maqsaty – mädenietaralyq dialogty nyǧaitu, jastar arasyndaǧy ärıptestıktı damytu jäne ortaq bastamalardy alǧa jyljytu.
Baǧdarlama aiasynda delegasiia müşelerı öŋırdıŋ tarihi-mädeni mūra nysandaryn aralady: Öskemen qalasynyŋ sol jaǧalau keşenı, Abaidyŋ üi-muzeiı, etnoauyl men dästürlı qazaq kiız üiı. Qonaqtardyŋ erekşe qyzyǧuşylyǧyn tudyrǧan «Ūly dala altyny» körmesınde saq-skif däuırıne jatatyn bıregei jädıgerler – zergerlık būiymdar, qaru-jaraq jäne at äbzelderı qoiylǧan.
Sapardyŋ basty oqiǧalarynyŋ bırı – Ūlan audanynda ötken etnofestival boldy. Delegasiia ökılderı qazaq halqynyŋ qolönerımen, salt-dästürımen, ūlttyq taǧamdary men folklorymen tanysyp, mädenietımızdıŋ tereŋıne üŋıluge mümkındık aldy. Sonymen qatar, qatysuşylar Ertıs özenımen seruendep, Öskemennıŋ tabiǧi sūlulyǧyn tamaşalady.
Is-şara aiasynda resmi kezdesulermen qatar beiresmi jüzdesuler de öttı. Dialog alaŋdarynda volonterlık, tūraqty damu, ekologiia jäne ŞYŪ elderı jastary arasyndaǧy bailanysty nyǧaitu mäselelerı talqylandy.
Jaqyn künderı şaralar jalǧasady. Josparda – pıkırtalas sessiialary, mädeni ıs-şaralar jäne öŋırdıŋ belsendı jastarymen kezdesuler bar. Osylaişa, Şyǧys Qazaqstan aşyq dialog pen halyqaralyq ärıptestık keŋıstıgı retındegı märtebesın taǧy bır märte däleldedı.
