Ташкентте өткен Сенаттың 22-отырысында ең ірі Айдаркөл көлінің құрғап қалу мәселесі көтерілді. Бүгінгі таңда көлді сақтап қалу үшін түрлі жобалар іске асырылуда, алайда нәтиже аз.
Көлдің көлемі 1994-2000 жылдары 44,1 млрд куб метр суды құраса, 2013-2021 жылдары 37,7 млрд куб метрді құраған. Көлдің суының азаюы себебі Шардара су қоймасынан көлге құятын өзендерге су көзінің тым аз берілуі екен. Соңғы он жылда көлдің деңгейі 2 метрге төмендеген. Кей аймақта көл суы жағажайдан 15-50 метрге дейін тартылған.
Айдаркөл Өзбекстандағы ең үлкен көл саналады. Ол Қызылқұм маңындағы жауһар деп аталады және көптеген жергілікті туристердің келуіне себепкер. КСРО кезеңінде ауыл шаруашылығына байланысты көл суы пайдаланылған.
"Адырна" ұлттық порталы
