Түрік лирасы әлі де құлдырап жатыр

386

Түрік лирасы әлі де құлдырап жатыр, ол жұмада тағы 2,5 пайызға арзандады. Сауда деректері орталық банк межені төмендеткеннен кейін 1 долларға 16 лирадан келетінін көрсетті , - деп хабарлайды “Адырна” ұлттық порталы Tengrinews.kz сайтына сілтеме жасап. 

Бейсенбіде Түркияның орталық банкі есеп мөлшерлемесін 15 пайыздан 14 пайызға дейін төмендету туралы шешім қабылдады.

Түрік валютасы бір доллар үшін 16,12 лира болды, бұрын бір доллар үшін 15,66 лираға жеткен еді.

Қаңтарда бір доллар үшін 7,4 лира бағамына сатылған түрік валютасы бір жыл ішінде құнының жартысынан көбін жоғалтты. Кейінгі 20 жылда бір тәулік ішіндегі ең көп құлдырау дерегі 23 қарашада тіркелді, содан кейін лира 16 пайызға төмендеді.

Бұл жайт 18 қарашада Түркияның орталық банкі есеп мөлшерлемесін 16-дан 15 пайызға дейін төмендету туралы шешім қабылдаған соң болды, содан кейін ел президенті Тайып Ердоған осы жағдай инфляцияның төмендеуіне әкелетінін мәлімдеп, меже төмендеуі дұрыс деп санаған еді.

“Адырна” ұлттық порталы

Пікірлер
Редакция таңдауы
Серіктестер/Партнеры
Студия IMA - создание сайтов Доставка цветов Астана - Lova Buket