Жүрсін Ерман ДДСҰ басшысы Тедрос Гебрейесуспен құда болып шықты (ВИДЕО)

6006

Дүниежүзілік денсаулық сақтау ұйымының бас директоры Тедрос Гебрейесус қазақтың белгілі ақыны, айтыс жанашыры Жүрсін Ерманды мерейтойымен құттықтап, бір ауыз өлеңін жатқа оқыды, деп хабарлайды "Адырна" ұлттық порталы ҚазАқпаратқа сілтеме жасап. 

Дүниежүзілік денсаулық сақтау ұйымының басшысы Тедрос Гебрейесус Facebook -тегі парақшасында ерекше жазба жариялады.«Congratulations Zhursin Yerman Kuda! Құтты болсын, Жүрсін Ерман Құда!» деп басталатын жазбаның астында қазақи шапан мен бөрік киген ДДСҰ басшысының Жүрсін Ерманды мерейтойымен қазақ тілінде құттықтаған видеосы салынған.

- Құрметті Жүрсін құда! Мерейтойыңыз құтты болсын! Денсаулығыңыз зор болсын! Өмір ұзақ болсын! Құдалығымыз мәңгілік болсын!

Арбаса нәпсі-ыбылыс,
Алаңдай берем ұлып іш.
Көңілге неге сыймайсың
Көзіме сыйған құбылыс?!, - дейді Тедрос Гебрейесус.

Дүниежүзілік денсаулық ұйымы басшысының Жүрсін Ерманға «Құрметті құда» деп қайырылуының себебін білу үшін биыл 70-ке толған ақынның өзіне хабарластық.

- Менің бір жиенім Тедрос Гебрейесустің ұлына тұрмысқа шыққан. Өзім жиен қызым деймін, кіші қызымның қызы ғой енді. Қазір ол жиенім Женевада тұрады. Тедрос Гебрейесуске менің өлеңімді жаттатқызып, қазақша үйретіп жүрген сол жиен қызым ғой, - деп қысқа қайырды Жүрсін Ерман.

Айта кетейік, Тедрос Гебрейесус Дүниежүзілік Денсаулық сақтау ұйымының бас директоры қызметіне 2017 жылы кіріскен болатын. Ал 2012-2016 жылдары Эфиопияның Денсаулық сақтау министрі ретінде қызмет еткен.

"Адырна" ұлттық порталы

Пікірлер
Редакция таңдауы
Серіктестер/Партнеры
Студия IMA - создание сайтов Доставка цветов Астана - Lova Buket