77 келі салмақта өнер көрсететін грек-рим күресінің шебері, қырғыз балуаны Ақжол Махмудовты Қазақстан атынан күресуге шақырған. Бұл туралы спортшының әкесі «Sputnik Қырғызстан»-ға берген сұхбатында айтты, деп хабарлайды «Адырна» тілшісі.
«Алматы және Шымкент облыстарынан ұсыныстар келіп түсті. Алматылықтар Ақжолға үш бөлмелі пәтер, 3 мың доллар шәкіртақы, маған жақсы жұмыс ұсынды. Ал қалған екі ұлыма дайындалу үшін жақсы жағдай жасап береміз деп уәде еткен еді. Түркиядан да ұсыныстар болды. Олар маған жеке ештеңе айтқан жоқ, бірақ делдалдар арқылы ұлыма осы елдің намысы үшін күресуді ұсынды. 200 мың доллар төлеуге уәде берді. Бұл оқиға 2017 жылы болған еді.
Алайда Ақжолда патриотизм сезімі жоғары дамыған. Ұлым Отанын жақсы көретінін және бұл жерден ешқандай ақша кетпейтінін кесіп айтты»,– деді ол.
Айта кетейік, Ақжол Махмудов грек-рим күресінен Токио Олимпиадасының күміс жүлдегері атанған еді.
«Адырна» ұлттық порталы
