Қытайда жойқын жарылыс: 12 адам ажал құшты

1419

Хубэй провинциясының Шиян қалалық округіндегі базарлардың бірінде газ жарылысынан 12 адам қаза тауып, 37 адам жарақат алды, деп хабарлайды «Адырна» тілшісі.

Барлығы 144 адам ауруханаға жатқызылды. Жарылыс тұрғын үй кешенінің аумағында болған. Оның салдарынан 40-қа жуық дүңгіршек қирады.

Қазіргі таңда оқиға орнына шұғыл көмек көрсету үшін денсаулық сақтау комитетінің арнайы тобы жіберілді.

"Шияндағы газ жарылысы ауыр шығындарға әкелді. Біз зардап шеккендерді құтқарып, кінәлілерді жауапқа тарту үшін бар күшімізді салуымыз керек", — делінген Си Цзиньпиннің мәлімдемесінде.

«Адырна» ұлттық порталы

Пікірлер
Редакция таңдауы