Ресей атысты тоқтату туралы үш күндік бітімді кем дегенде 734 рет бұзды. Бұл туралы Украинаның Сыртқы істер министрлігі мәлімдеді, деп хабарлайды «Адырна» тілшісі The Telegraph-қа сілтеме жасап.
Министр Андрей Сибиганың айтуынша, бұндай әрекеттер жергілікті уақыт бойынша түн ортасынан түске дейінгі алғашқы сағаттарда тіркелген. Ол сондай-ақ ресейлік күштердің шығыс майданда белсенді әскери операциялар жүргізуін тоқтатпағанын атап өтті.
Украина тарапының мәліметінше, атысты тоқтату келісімінің бірінші күнінде ресейлік әскерлер 63 «шабуылдау операциясын» жүзеге асыған.
«Біз Путиннің біреуді алдауына жол бермейміз. Ол сөзінде тұрмайды»,— деп жазды министр X желісінде.
Еске салайық, 28 сәуірде Ресей басшысы Владимир Путин Жеңістің 80 жылдық мерейтойына орай бітім жариялаған еді. Алайда Украина президенті Владимир Зеленский бұл ұсынысты қабылдамай, оның орнына 30 күндік оқ атуды толық тоқтатуды талап етті.
