Лукашенко қашып жүрген Бакиевке резиденциясы жанынан жер берді

1329

Беларусь президенті Александр Лукашенко Қырғызстанның бұрынғы президенті Құрманбек Бакиевке Минск теңізіндегі өзінің "Заславль–2" резиденциясы жанынан 70 соттық жер берді деп хабарлайды TUT.BY сайты Жылжымайтын мүліктерді мемлекеттік тіркеу мәліметіне сүйеніп.

Жер учаскесі 2019 жылдың желтоқсан айында Лукашенкоға өмір бойы пайдалануға берілген аумақтан берілген.

45 соттық жері Бакиевке ауыл шаруашылығын жүргізу үшін, қалған 25 соттығы тұрғын үй салуға бөлінген.

Құрманбек Бакиев 2005 - 2010 жылдар аралығында Қырғызстанды басқарды. Ол Асқар Ақаев үкіметіне қарсы "Қызғалдақ революциясынан кейін" билікке келді. Бірақ 2010 жылдың 7-15 сәуір аралығында Қырғызстанда кезекті рет төңкеріс болып, оппозиция оны биліктен кетірді. Революция кезінде 100-ге жуық адам қайтыс болды.

Бакиев сәуір оқиғасынан кейін Қырғызстаннан қашқан. Қазір ол отбасымен бірге Беларусьте тұрады. Сол елдің азаматтығын алған.

Қырғызстан билігі оны қайтаруды талап етіп жатыр. Ол Қырғызстанда британдық кәсіпкер Шона Дэйлидің өміріне қастандық жасады, қызмет бабын асыра пайдаланды деп айыпталған. Бұрынғы президент сырттай 30 жылға сотталған әрі оған іздеу салынған.

Centralasia.org

Пікірлер
Редакция таңдауы