"МузАРТ" тобының әншісі Мейрамбек Бесбаев киноиндустрияға қадам басып, өз фильмін түсіруді жоспарлауда, деп хабарлайды "Адырна" ұлттық порталы.
Бұл туралы әнші өзінің Instagram парақшасында жазды.
Әнші фильмге лайықты сценарий іздеп жатқанын айтып, сценаристермен бірлесіп жұмыс істеуге дайын екенін жеткізді.
"Қазіргі кездері «кино» түсіргім кеп жүр. Қолымнан келеді деп ойлаймын. Фильмге жақсы сценарий болса бірге жұмыс істеуге дайынмын. Күзге дейін қабылдаймыз. Қай жанрда түсірейік? Ойларыңызды жазыңыздар", – деп жазды ол.
Желі қолданушылардың арасында Мейрамбек Бесбаевтың бұл жаңалығына сәттілік тілеп, қызығушылық танытқандар да, сынағандар да болды.
