Парижде актер Жерар Депардьеге қатысты сексуалдық қысым көрсетті деген айыппен сот процесі басталды. Кездесу алдында актердің адвокаты барлық айыптарды жоққа шығарды, Бұл туралы 24 наурызда AFP жазды, деп хабарлайды “Адырна” ұлттық порталы.
"Барлық айыптаулар жалған. Шындық біздің тарапымызда", - депді адвокат Жереми Ассу.
Ол айыптауларды "объективті, бейтарап және дәлелденген түрде" жоққа шығаратындарын айтты.
Сондай-ақ, Ассу актер жүрегіне операция жасағанын және қант диабетімен ауыратыныг айтты. Соттың тағайындаған медициналық сарапшысы Депардьенің сотқа қатыса алатынын анықтады, бірақ тыңдаулардың әрқайсысы 6 сағаттан аспауын және әр 15 минут сайын үзіліс жасауыг ұсынды.
76 жастағы Депардьені сот залына қызы Роксана, оның анасы және актердің бұрынғы сүйіктісі Карин Силла, сондай-ақ актриса Фанни Ардан қолдауға келді. Соңғысы қорғау жағынан куәгер ретінде сөйледі.
Сот ісі 2021 жылғы фильміне қатысты басталған. Фильмнің қоюшы-режиссері (қазір 54 жаста) және режиссердің көмекшісі (34 жаста) Депардье түсірілім алаңында әдепсіз пікірлер айтты және оларға орынсыз тиісті деп айыптады. Атап айтқанда, ол кеудеге, бөксеге және жыныс мүшелеріне қол жүгірткен. Олар 2024 жылдың басында актерге жыныстық зорлық-зомбылық және сексистік тіл қолдану баптары бойынша сотқа шағым түсірді. Депардьеге 5 жылға дейін бас бостандығынан айыру және 75 мың еуроға дейін айыппұл салынуы мүмкін.
Сот ғимараты алдында 10-ға жуық феминист митингке шықты.
"Біз құрбандарды қолдаймыз", - деп жазылған олардың плакатында.
Айыптау тарапын қолдауға "Зеленые ставни" фильмінде түскен актриса Анук Гринберг те келді. Ол AFP агенттігіне Депардьенің түсірілім кезінде үнемі "әдепсіз сөздер айтқанын" және фильмге оны шақырған продюсерлердің оның қандай екенін білгенін айтты.
200-ден астам фильмде түскен Жерар Депардьеге жыныстық зорлық-зомбылық бойынша бірнеше рет айыптаулар тағылды. 2023 жылдың сәуірінде 13 әйел - актрисалар, статисттер мен гримерлер актердің әдепсіз әрекеттері туралы мәлімдеген еді. Алайда бұл актерге қарсы сотқа жеткен алғашқы іс.
Сот кемінде екі күнге созылуы мүмкін. Ал үкімі кейінірек жарияланады.
