Бүгін Қазақстан Республикасы премьер-министрінің орынбасары – сыртқы істер министрі Мұрат Нұртілеу Ресей Федерациясының Қазақстандағы елшісі Алексей Бородавкинді қабылдады, деп хабарлайды «Адырна» тілшісі.
«Кездесу барысында тараптар саяси, экономикалық және мәдени-гуманитарлық салалардағы екіжақты Қазақстан-Ресей ынтымақтастығының қазіргі жағдайы мен даму перспективаларын талқылады, сондай-ақ халықаралық күн тәртібіндегі барлық өзекті мәселелер бойынша пікір алмасты»,—делінген СІМ хабарламасында.
Тараптар стратегиялық әріптестік пен одақтастық рухында дамып келе жатқан Қазақстан-Ресей қатынастарын одан әрі нығайтуға деген көзқарасты растады.
Алексей Бородавкин 2018 жылдан бері Ресейдің Қазақстандағы елшісі қызметін атқарып отыр. Ол сол жылдың 7 ақпанында осы қазметке тағайындалды.
