Әскери ғылымдар академиясының президенті Мұхтар Серкпаев желіде тараған билікті сынаған видеосына қатысты түсінік берді, деп хабарлайды "Адырна" ұлттық порталы.
Алдымен ол өзін таныстырды. Содан кейін желіде тараған видеоға байланысты айтты.
"Менің бірнеше күн бұрын шығарған видеомды кейбір блогерлер қиып алып таратуда. Tik Tok пен Instagram, WhatsApp және YouTube-те менің фотом барлық жерде және олар мені қандай да бір түсініксіз қозғалыстың көшбасшысы деп жазуда. Бұл кісі енді ұсталатын шығар деп жатыр. Мен зейнеткерлікке шыққаннан бері өз арнамды жүргізіп келе жатқан 5 жыл ішінде кейбір көшбасшыларымыз шешуі керек мәселелер туралы айтып отырамын. Ешкім мені қорқытқан жоқ, телефон соққан жоқ, ешқайда шақырған жоқ. Сирияда болып жатқан жағдайға қарап біз бұған жол бермеу үшін қорытынды жасауымыз керек. Ал мұның алдын алу үшін бізге қазір басқа да мәселелерді мұқият қарастыратын әртүрлі деңгейдегі көшбасшылар қажет. Сондықтан мен өз хабарламамда осы тармақтардың барлығына не қажет екенін айттым. Мен дұрыс түсінік болғанын қалаймын. Ал біздің блогерлер контекстен фразаларды алып, оларды бөліп сөз тіркестерін жасайтыны ұнамайды. Бұл менің пікірім сондықтан ең болмаса авторлық құқықты сұрауға рұқсат алу үшін хабарласу керек" - деді Мұхит Серкпаев.
Ол барлық мәселенің заң аясында шешімін тапқанын қалайтынын айтып, жөнсіз шу шығаудың қажеті жоқ екенін түсіндірді.
Екі күн ішінде 16 мың қаралым жинаған видеоға желі қолданушылар "дұрыс айтасыз", "біз сізді қолдаймыз" деген сарындағы пікірлер жазып жатыр.
Бұған дейін, Мұхтар Серкпаевтың Қазақстанның Ресейге толықтай тәуелді болу қауіпі барын айтқан видеосы желіде кеңінен таралғаны туралы жазған едік.
