Қазақстандық мәнерлеп сырғанаушы Денис Тенді өлтіргендер жазасын барынша қатаң қауіпсіздік режиміндегі колонияда өтеп жатқан еді. Алайда спортшының қазасына алты жыл өткеннен кейін сот олардың жазасын жеңілдеткен, деп хабарлайды “Адырна” ұлттық порталы Tengrinews.kz сайтына сілтеме жасап.
Айта кетейік, Денис Теннің өліміне кінәлілер – Нұралы Қиясов пен Арман Құдайбергеновтің жазасы жеңілдетілгені белгілі болды. Олар барынша қатаң қауіпсіздік режиміндегі колонияда отырған болатын. Былтыр оларды орташа қауіпсіздік мекемесіне ауыстырғаны анықталды.
Ақпаратқа сәйкес, 2023 жылдың 19 қазанында Қонаев қаласының соты Нұралы Қиясовтың жазасын жеңілдетуді қарастырғаны белгілі болды. Бұл ұсынысты Алматы облысындағы №12 мекеме басшысы жасаған.
Бұл 2023 жылдың наурызында қабылданған заңдағы өзгерістермен түсіндірілді: бұрын бас бостандығынан айырылмаған, 2 жылдан астам мерзімге сотталғандар жазасын қылмыстық-атқару жүйесінің орташа қауіпсіздік мекемелерінде өтей алады.
Сонымен қатар, ҚАЖД Қиясовтың тергеу изоляторында өткізген 8 айға жуық уақытын оған берілген мерзімге есептеуді ұсынған.
Сот оны қанағаттандырып, Қиясовты орташа қауіпсіздік режиміндегі колонияға ауыстырды. Арман Құдайбергеновке қатысты да осындай шешім шығарылған.
ҚАЖК журналистерге қазіргі уақытта Құдайбергенов пен Қиясов Жамбыл және Шығыс Қазақстан облыстарындағы орташа қауіпсіздік мекемелерінде жазаларын өтеп жатқанын хабарлады.
Олар жұмыс істемейді. Алайда ҚАЖК бұны жұмыс орындарының жетіспеушілігімен түсіндіреді. Олар қарапайым жағдайларында ұсталады. Медициналық көмекке жүгінбеген.
Сонымен қатар, іске тағы бір күдікті - Жанар Төлебаева болды. Оны қылмыс туралы хабарламағаны үшін төрт жыл бас бостандығынан айыруға үкім еткен болатын.
Алайда бір жылдан кейін оны денсаулық жағдайына байланысты және босануына байланысты босатты. Дегенмен, ол өз мерзімін кейінірек өтеп шығып, 2021 жылы босатылған.
Бүгін, 19 шілдеде Алматы орталығында қазақстандық мәнерлеп сырғанаушы Денис Теннің өлтірілгеніне алты жыл толды. Ол кезде ол көлігінің айналарын ұрламақ болған ұрылармен қақтығысқа түскен болатын.
