30 қаңтарға қараған түні Өскеменде жер үйде өрт шығып, жертөледе 76 жастағы үй иесінің, оның 69 жастағы әйелі мен олардың 51 жастағы туысының денесі табылған. Бұл ақпаратты "Криминальный Казахстан" басылымы таратты, деп хабарлайды “Адырна” ұлттық порталы.
Хабарламада өлгендердің басынан балтамен жасалған соққы іздері анықталған.
«Полиция қызметкерлері қайғылы оқиға мас күйінде жанжал кезінде болғанын анықтады. 27 жастағы күдікті із суытпай ұсталды. Ол кісілерді өлтіргеннен кейін ол мәйіттерді жертөлеге тастап, үйді өртеп, қылмыс іздерін жасыруға тырысған. Күдікті құрбандардың туысы екені де белгілі”, - делінген хабарламада.
